→ كل الوصفات
طريقة عمل معكرونه بشاميل بالفراخ بطريقتي 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيس معكرونه
- 2 كيس بشاميل
- ½ كيلو صدور فراخ
- 3 كوب شوربه
- كيلو لبن
- 3 بصله وسط وفلفل رومي
- توابل الفراخ
- ملح
- فلفل اسمر
- بابريكا
- كركم
- كاري
- بهارات فراخ
- َبيضه
طريقة التحضير
- هنفرم البصل ونحطه على النار وعليه شويه زيت ونشوحه وممكن نحط فلفل رومي
- نكون مقطعين الفراخ قطع صغيرة ونحطها على البصل والفلفل ونشوحهم وبعدين نضيف مرقه دجاج والتوابل بتاعتنا
- هنسلق المعكرونه في ماء بملح ونطلعها نصفيها
- نكون مجهزين البشاميل.. كيلو لبن والشوربه ونحط عليهم كيسين البشاميل ونرفعهم على النار ونقلب بالمضرب كويس لحد ما يبقى قوامه مظبوط ونطفي عليه
- هنحط المعكرونه في بوله غويطه ونحط عليها ربع كميه البشاميل ونقلبها كويس
- هنجيب الطاجن او الصينيه وندهنا بشاميل ونحط نص كميه المعكرونه ونوزع عليها الفراخ ونحط طبقه بشاميل ونحط نص كميه المعكرونه الباقيه ونغطيها بالبشاميل وندهن الوجه بالبيض وندخلها الفرن على درجه ١٨٠ ربع ساعة وبعدين نشغل الشوايه لحد ما تأخذ لون وبألف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد