→ كل الوصفات
#معكرونه #بشاميل #صدور_فراخ #تجنن
المقادير
- كيس ونصف معكرونه
- جبنة موتزاريلا
- مكعب ماجي
- 2 كيلو لبن
- علبة كريمه طبخ
- معلقة سمنه + ملعقة زيت
- 4 معالق دقيق
- مكونات الفراخ الحشوة
- ½ كيلو بانيه مقطع شرايح
- 2 فلفل رومي او حراق حسب الرغبة
- 4 فصوص ثوم
- 2 بصل
- مكعب ماجي
- فلفل اسود
- بابريكا
- بهارات عليها قرفة
- بودرة بصل وثوم او تتبيلة الشيش طاووق نأخذ ملعقة منهم
طريقة التحضير
- هنقطع الفراخ البانيه شرايح بالعرض ونغسلها كويس اوي وننقعها شوية في الليمون ونقطع البصل والثوم والفلفل مع بعض
- هنجيب طاسة كبيرة وواسعه او حلة ونحمر البصل مع الثوم والفلفل الرومي بزيت او سمنه لحد ماريحتهم تطلع ويصفرو شوية هنكون مصفيين البانية كويس من ميته ونحطه مع الخلطه ونحمر ونقلب كويس ونحط التوابل كلها هتلاقوها في المكونات + مكعب الماجي ونقلب لحد ماتشرب ميتها ولو مااستوتش حبة ماء وسبوها تغلى وتشرب ميتها وتستوى براحتها
- وده الشكل النهائى بتبقي ريحتها تجنن ونفس الطريقة البانيه دى بعملها بس بعمل جنبها ارز ابيض او رز بالبسلة بتبقي تحفه
- طريقة البشاميل بقي 😋
- هنحط ملعقة سمنه + ملعقة زيت ويتقدحو ونحط ٤ ملاعق دقيق يتقلبو شوية دقيقه بالظبط
- هنحط اللبن ال ٢ كيلو لبن لانى بحب البشاميل كتير في الاكل ونقلب كويس بالهاند بليندر ونضرب الدقيق مع اللبن كويس ويغلى نحط فلفل اسود او ابيض ونحط مكعب ماجي ونسيبه يغلى لحد مايبقي قوامه مظبوط وخلاص تقل نحط علبة كريمه طبخ جهينه تأخذ غلوة فقط ونقفل
- هنجيب صينية وندهنها زيت ونجيب المعكرونه في طبق بلاستيك ونغرقها بالبشاميل ودى التركاية بقي تبقي شاربة بشاميل ونرص طبقه وفي النص الحشو الفراخ ال عملناه + جبنة موتزاريلا ونحط طبقه ثاني من المعكرونه والبشاميل نحطه فوق الوجه وشوية جبنة موتزاريلا ثاني بتدي لون جنان
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد