→ كل الوصفات

معكرونه بشاميل بالفراخ

طريقة عمل معكرونه بشاميل بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو معكرونه قلم
  • 2 صدر فرخه وورك مخلي مقطعة مكعبات
  • 4 فصوص ثوم
  • نص كيلو طماطم
  • ملعقة صلصة
  • 2 بصله كبيره مقطعة قطع صغيرة جداً جداً
  • 5 معالق كبار دقيق
  • نص كيلو لبن
  • علبة قشطه
  • فلفل اسود
  • قسبره
  • كمون
  • كاري
  • نص ملعقة شطه
  • ملح حسب الحاجه
  • 2مكعب مرقة دجاج
  • ½ كوب زيت
  • 5معالق سمنه بلدي
  1. تسلق المعكرونه في حله على النار لحد ما تستوي وبعدين تنزل على مصفاه في ماء برده واسيبها على جمب
  2. اجيب حله على النار وانزل عليها بزيت لحد ما يتقدح معايه وانزل بالبصل المقطع لحد ما يذبل شويه وبعدين انزل عليها بلفراخ القطع المغسوله واقلب اقلب لحد ما كلها تأخذ لون كويس معايه وبعد كدا انزل عليهم بنص كيلو الطماطم مفرومه في الخلاط واقلب كويس واسيبها لحد ما تتسبك معايه كويس جداً والقوام بتاعها يتقل جداً وبعدين انزل بقي عليها بلتوابل ومرقة الدجاج والملح واقلب واسيبها تتسبك اوي وتبقي تقيله في القوام واي ماء فيها تنشف وبعدين اطفي عليها النار واركنها على جمب وبعدين حله تانيه فيها ٣معالق كبار سمنه بارده
  3. وتسخن السمنه وانزل بدقيق واقلب اقلب والخطوه دي عايزه سرعه اقلب وبعد كدا اطش بلبن البارد واقلب بمضرب يدوي بسرعه جداً وانزل عليها بعلبة القشطه ومكعب مرقة الدجاج وملح ونص ملعقة فلفل اسود واقلب لحد ما اوصل للقوام المظبوط واطفي عليه النار
  4. وبعد كدا اجيب بقي المعكرونه اللي كانت بتبرد احطها في الحله تاني وانزل عليها بشويه من البشاميل ده وانزل كمان بشويه من الفراخ المعصجه واقلب كلو في بعضو وبعدين اجيب صينيه مدهونه سمنه بسيط وانزل بنص المعكرونه وافردها في الصينيه وعليها الفراخ المعصجه وافردها وبعدين نص المعكرونه التاني وبعدين على الوجه البشاميل كله واخر حاجه بقي الى يحب يحط على وجهها بيضه مضروبه او يحط عليها بقسماط او يكتفي بسمنه بس انا بحط القشطه في البشاميل عشان تدي لون للوجه او ممكن احط بقسماط وعلى الوجه سمنه بلدي وادخلها الفرن
  5. على درجة حراره 160في الرف اللي في النص لمدة نص ساعة او ساعة الاربع على حسب ما تستوي واعرف ازي انها استوت لما اختبرها بخلة سنان او شوكه امدها فيها ولو طلعت ناشفه تبقي استوت لو لسه البشاميل طري جداً تبقي لسه وبعدين اطلعها على الرف فوق تأخذ لون وبالف هنا وشيفا
عجبتك الوصفة؟
شوف كل وصفاتنا في مكان واحد
كل الوصفات →