→ كل الوصفات

معكرونه بشاميل بالفراخ

طريقة عمل معكرونه بشاميل بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس معكرونه اقلام
  • البشاميل
  • كوبايه ونص دقيق
  • ملعقة كبيرة سمن
  • لبن
  • ½ لتر ماء
  • فلفل اسود وملح حسب الرغبة
  • جبنة موزاريلا
  • كمية صدور فراخ
  • 2 حبات فلفل الوان شرايح
  • بصلة شرايح
  • ملعقة سمن صغيرة
  • ثوم وبصل بودرة
  • بهارات
  1. حله نحط فيها ماء و شوية ملح و نسيبها تغلي و لما تغلي نسقط المعكرونه تستوي بس مش اوي و بعد كده نصفيها
  2. حله و نقطع بصل شرايح و ملعقة سمن صغيرة و نشوح البصله لحد ما تذبل و نضيف الفراخ بعد ما قطعناها مكعبات و نشوحها مع البصله شوية بعد كده نقطع الفلفل الالوان و نحطها عليها و نحط التوابل ملح. فلفل اسود. ثوم و بصل بودر. بهارات و نسبها تستوي
  3. البشاميل : حله و نحط اللبن و الماء و فلفل اسود و ملح و ملعقة كبيره بتاعت الغرف سمن و الدقيق ونرفعهم على النار و نفضل نقلب على النار منشلش ادينا منه لحد ما يتقل (الطريقه دي احسن من اننا نحمر الدقيق الاول بنضمن انه ميكلكعش) و لما يتقل نحط جبنة موزاريلا
  4. بعد كده هنجيب صينيه و ندهنها سمن و نحط طبقه من المعكرونه و طبقه من الفراخ و نحط شوية من البشاميل و بعد كده جبنة و نحط الطبقه التانيه من المعكرونه و نسويها كويس و نحط البشاميل و الجبنة في الاخر و ندخلها الفرن
  5. بعد كده نطلعها و بالهنا و الشفا 😍🥰❤
عجبتك الوصفة؟
شوف كل وصفاتنا في مكان واحد
كل الوصفات →