→ كل الوصفات
طريقة عمل معكرونه بشاميل بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو معكرونه اقلام
- كيلو لبن
- 0.5 كيلو فراخ بانيه متقطعة قطع صغيرة
- كيس بشاميل
- كوب زيتون اخضر متقطع شرائح
- 1 حبة بصل متوسطه
- 1 حبة طماطم
- 2 حبة بيض عليهم رشة ملح وفلفل اسود
- رشة ملح
- رشة فلفل اسود
- رشة بهارات فراخ
- رشة بابريكا
- رشة زنجبيل مطحون
- معلقه سمنه
طريقة التحضير
- البشاميل ندفي اللبن على النار وعليه كيس البشاميل ونفضل نقلبه بالمضرب اليدوي لحد ما القوام يبتدي يتماسك ونشوف القوام اللي حبينه تقيل او متوسط
- نسلق المعكرونه... ونضرب البيضتين وعليهم رشه ملح ورشه فلفل اسود عشان ندهن الصينيه من على الوجه
- في طاسه نجيب ملعقة سمنه وحبه زيت ونشوح الفراخ لحد ما تبدا تغير لونها ونضع عليها البصل ونقلب لحد ما البصل يتشوح بعدين نضع عليها البهارات والزيتون الاخضر والطمطمايه ونقلبهم في بعض ونسيبهم شويه على النار لحد ما يستوي ونطفي النار
- نجيب صينيه بايركس ونضع بشاميل بعدين نرص المعكرونه وعليها بشاميل تاني
- وبعدين الفراخ وبعدين المعكرونه الباقيه وبعدين باقي البشاميل من على الوجه ونضع البيض من على الوجه وندخلها الفرن لحد ما تبدا تغير لونها نطفي الفرن ونشغل الشوايه تأخذ لون وبالهنا والشفاء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد