→ كل الوصفات

معكرونه بشاميل بالفراخ 😉

طريقة عمل معكرونه بشاميل بالفراخ 😉 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • معكرونه قلم على حسب القالب الكميه
  • 2 فلفل اخضر واحد فلفل حامي
  • حبة طماطم
  • حبة بصله كبيره
  • 0.5 كيلو فراخ مخليه
  • الكينج بتاع الوصفه (تتبيله الشيش طاووق من ماجي الكيس ده)
  • وانا بستخدم في البشاميل خلطه بشاميل كنور
  • مكعب مرقه
  • لتر لبن للبشاميل
  • بيضه او اتنين حسب الرغبه
  1. اول حاجه هنفرم البصل في الكابه وعليه الفلفل وننزل عليه الفراخ البانيه تتفرم معاهم وباعدين ننزل عليه بخلطه التتبيله ومنضفش ولا نقطه ملح ولا اي توابل تاني ونركنهم على جنب
  2. نسيت اقولكم خليط الفراخ بعد ما اتفرمت قلبته زي اي عصاج على النار ده مهم جداً
  3. نجهز صوص البشاميل بصراحه انا مش بعمله على البارد بقلب خلطه البشاميل الأول في زبدة او سمنه لغايه ماتطلع ريحه التوابل اللي فيها ومعاهم مكعب المرق وباعدين انزل باللبن بالتدريج لغايه ما اخلص اللتر كله واستني تتقل وتطلع فقعات اعرف انو استوي مبضفش اي توابل ولا ملح
  4. نسلق المعكرونه ونضيف لميه السلق ملح وزيت ونسلقها ثلاث اربع سواء وباعدين نصفيها بدون مانغسلها
  5. باعدين انزل بالبيض انا وبقلب بسرعه جداا وعليه رشه فلفل اسود
  6. نخلط كام كبشه من البشاميل على المعكرونه وباعدين نرص زي اي بشاميل عادي وبألف هنا 😄
عجبتك الوصفة؟
شوف كل وصفاتنا في مكان واحد
كل الوصفات →