→ كل الوصفات

⚘ معكرونه بشاميل ⚘ بطريقة جديدة ⚘

#من_القلب

  • 400 جرام معكرونة قلم
  • 1 كيس بشاميل جاهز
  • 1/2 كيلو لبن
  • 1/2 كوب شوربة او ماء
  • 2 م ك معجون طماطم
  • 2 بيضة
  • 1/4 م ص فانيلا
  • 1 م ك زبدة او سمن
  • 1/2 كيلو لحم مفروم
  • 1 بصل متوسطه
  • 1 م ك زيت عباد
  • 1/4 م ص فلفل أسمر
  • 1 م ص ملح
  • 1/2 م ص بهارات مشكلة
  • 1/4 م ص بابريكا
  • 1/4 م ص كاري
  1. نقطع البصل إلى مكعبات وفي مقلاة على النار يتم إضافة ملعقة الزيت ونضيف البصل و رشه ملح و ربع ملعقة فلفل الأسمر نسوى البصل لحد ما يبقى لونه ذهبي وبعد كدا نزل بلحم المفروم ونسوية نص سوى
  2. البشاميل : نضيف لبن و نضيف عليه شوربة او ماء (المتاح) وبعد كدا نضيف كيس البشاميل جاهز وندوبه في لبن وبعد كدا على نار متوسطه نقلب بمضرب يدوي لحد السمك اللي كل واحده عايزة (خفيف او تقيل) حسب الذوق * نضيف مكونات البهارات و ملعقة معجون طماطم ونقلب * لما يبرد البشاميل يتم إضافة بيضة واحدة ونقلبها في البشاميل 👍
  3. تغلى ماء ويتم اضافه ملعقة كبيرة زيت و رشه ملح في ماء وبعد كدا نضيف المعكرونة و نسويها نص سوى * وبعد كدا نصفى الماء وبعد كدا نضيف شويه من بشاميل و ملعقة معجون الطماطم فوق المعكرونة و نقلبها برفق 👍
  4. في صينية بايركس مستطيل او المتاح * ندهنها بنص ملعقة السمنة او الزبدة وبعد كدا نحط في قاع الصينة شوية بشاميل ونضيف المعكرونة جمب بعضها ونحط فوقها لحم المفروم وبعد كدا نضيف بقيت المعكرونة فوق طبقه لحم مفروم ويتم إضافة باقي البشاميل فوق الطبقه الأخيرة من المعكرونة 👍
  5. بيضة ونقلب معاها ربع ملعقة فانيلا ونقلبها ونوزعها فوق طبقة البشاميل الأخيرة و نقطع قطعه الزبدة و نوزعها على البشاميل 👍
  6. الفرن يكون مسخن قبل البدء و نحط الصينة لمدة ٢٥ : ٣٠ دقيقة في الفرن وبعد كدا على الشواية الموجودة في الفرن نقدها لحد ما الطبقة الاخيرة يبقى لونها ذهبي 👍
  7. ملحوظة : انا بحب كيس البشاميل الجاهز بيكون احسن وطعم أروع * وبضيف ماء أو شوربة طعم بشاميل يبقى خفيف وجميل * البيض ييخلى المعكرونه متمسكه في بعضها * بضيف فوق البيضة فانيلا إضافة جديدة ل طعم 👍
  8. بالهنا ⚘
عجبتك الوصفة؟
شوف كل وصفاتنا في مكان واحد
كل الوصفات →