→ كل الوصفات
# سهله وبسيطه وبتكات جديده
المقادير
- كيس معكرونه قلم
- 1/4 كيس معكرونه اسباجتي
- لحمة مفرومه
- 2 بصله وسط
- ملح
- زيت
- فلفل اسود
- كمون
- كزبرة ناشفه
- مكعبات طمطمايه
- زبيب
- رشة سكر
- لتر لبن
- علبة قشطه
- جبنة رومي مبشوره
- بهارات لحمة
طريقة التحضير
- اولا نحضر حله ونغلي ماء ونحط ملعقة ملح وشوية زيت ولما تغلي ننزل كيس المعكرونه والاسباجتي نكسرها ٤ اجزاء ونزلهاونقلب ونسيبهم لحد ماتستوي وبعد كده نصفيها ونبرد عليها تحت الماء ونسيبها على جنب
- بعد كده نعصج اللحمة حنجيب طاسه ونحط فيها زيت قليل وننزل بالبصله تذبل وعليها رشة ملح وننزل بللحمه لحد مالونها يغير ونحط ملح وفلفل كمون كزبرة بهار لحمة وطمطمايه ونقلب كويس ونسيبها تستوي على نار هاديه لحد مالطماطم تذوب خالص وتغير لون اللحمة
- بعد كده نعمل تسبيكه للمعكرونه عباره عن بصله تتشوح على النار بشوية زيت وننزل عليها بعصير طماطم مضروب معاه نص قرن فلفل اخضر وفصين ثوم وننزل عابصله وننزل بالملح والفلفل الاسود وكمون وكزبره ورشة سكر ونتركها تتسبك
- ثم نقوم بعمل البشاميل وهو عباره عن نحضر حله ونحط فيها الزبده والزيت وننزل ب٧معالق كبار دقيق ونقلب كويس ونزود كميه الزيت بحيث ان الدقيق يبقى سايح فيها مش مكلكع ومكتل
- ونحمص الدقيق لحد ماريحته تطلع وبعدين ننزل باللبن الساقه مره واحده حيبقي عامل زي الشوربه بس حيتقل كل مايبتدي يسخن مع التقليب المستمر الحركه دي عمرها ماتخلي البشاميل يكلكع ونزل الملح وعلبة القشطه ورشة فلفل اسود ومكعب ماجي اختياري ومعلقة سكر
- ويقلب حتى الحصول على القوام المطلوب بعد كده نجيب صينيه وندهنها زيت ونحط في قعرها شوية بشاميل ونسيبها في جنب
- بعد التسبيك ننزل الصلصة عالمكرونه ونقلب ونحط شوية بشاميل ونقلب ونحط نص كميه المعكرونه في الصينيه وبعدين ننزل اللحمة ونحط زبيب متوزع فوق اللحمة ونحط شويه بشاميل وننزل بباقي المعكرونه وبعدين باقي البشاميل ونرش الجبنة وتدخل الفرن وتترك حتى يحمر وجهها ثم تقدم بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد