→ كل الوصفات

معكرونه بشاميل 🍝

طريقة عمل معكرونه بشاميل 🍝 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • دي مكونات اتنين صينيه معكرونه بالبشاميل
  • 2 كيس معكرونه اقلام
  • 10 معالق كبيره سمنه
  • 10 معالق كبيره دقيق
  • 2 كيلو لبن
  • 1/2 كيلو لحمة مفرومه
  • 2 بصله كبيره متقطعه قطع صغيرة
  • 5 حبات طماطم مكعبات
  • 2 بيض
  • التوابل ملعقة صغيرة
  • ملح
  • حبهان مطحون
  • فلفل اسود
  • 4 مكعب مراقه دجاج
  1. هعصج اللحمة المفرومه : هحط البصل و اول ما يذبل هنزل باللحمه و اول ما لونها يغير انزل بالطماطم و ملعقة ملح و جبهان مطحون و فلفل و ٢ مكعب مراقه دجاج. اول ما الطماطم تتسبك اقفل عليها ✋
  2. هسلق المعكرونة في ماء و ملح و زيت و لما تستوي هتصفيها ✋
  3. البشاميل : هجيب حله و أحط فيها السمنه و لما تسيح أحط الدقيق و لما الدقيق لونه يتحمر ابقا ماسكه اللبن في أيد و المضرب في الأيد التانيه علشان البشاميل مش يكتل معانا. اضربهم كويس و أكون موطيه النار و أحط التوابل : ملح : بهارات : فلفل اسود : ٢ مكعب مراقه. اسبها تأخذ غلوه و اقفل و اول ما تبرد احط عليها بيضه و اقلب بسرعه ✋
  4. اجيب صينيه و أحط فيها معكرونه و ٤ ملاعق بشاميل و اقلبهم و بعد كده احط اللحمة و بعد كده معكرونه و بعد كده البشاميل ✋
  5. اجيب بيضه 🥚 و اضربها بالمعلقه في طبق و احط عليها رشه فلفل اسود و احطها على وجه صينيه المعكرونه و ادخلها الفرن✋
  6. وبألف هنا❤️
عجبتك الوصفة؟
شوف كل وصفاتنا في مكان واحد
كل الوصفات →