→ كل الوصفات
#قوي_مناعتك
المقادير
- 3/4 كيس المعكرونه
- 2 م ك دقيق او من كيس البشاميل
- فلفل أحمر
- كوسه
- جزر
- بصله
- 1/2 كوب لبن
- مياه
- بانيه
- زيت او سمنه
- جبنة موزاريلا
- ملح وفلفل اسود حسب الرغبة
طريقة التحضير
- هنسلق المعكرونه انا عملت معكرونه خواتم تقدري تستخدمي ال تحبيه حتى لو اسبجاتي 😋 ابدع/ي والمقدار ال تحتاجيه، انا عملت كميه قليله على قدنا
- بعد السلق هنحطها في مصفي ونشطفها بمياه بارده ونسبها تصفي
- انا عملت كوستين صغيرين وفلفل قطعي زي ما عاوزه بالشكل ال تعوزيه، وحطهم مع على النار مع رشه خفيفه ملح وفلفل اسود وتقليبه كدا بسيطه بحيث مش يتبلو جامد لا يشمو النار والملح يسيح وحلو كدا
- انا عندي بتنيه متشوح ومتحيق ب بالبهارات والملح والفلفل وقطعتهم بالمقص شاورما، المقص اسهل من السكينه بكتير في الحاله دي، اغسليه كويس بعدين اعملي بيه
- البشاميل بقى ، زيت ودقيق وعلى نار هاديه هتقلبيهم مع الزيت كويس بعدين هتجيبي اللبن والمضرب وهتفضلي تقلبي في الدقيق وانتي بتنزلي اللبن عشان مش يكلكع وبعدين تنزلي المياه وانتي بتقلبي باردو ممكن حوالي كبايه او اثنين بالنظر كدا انا حطيت مياه بشكل عشوائي حطيت كدا لغايه ما طلعت الكميه ال عاوزاها. ومتنيش تفضلي تقلبي عشان مش يكلكع 👇👇
- لو خايفه مش تعرفي تفضلي تقلبي معاكي طريقتين اسهل من بعض، اول حاجه تحطي الدقيق مع اللبن واضربيهم مع بعض في الكبه بعدين حطيه على النار وقلبي مع المياه او الشربه. الثانيه ودي افضل بعد ما الدقيق يتقلي على النار خديه وحطيه في الكبه مع اللبن واضربيه وبعدين على النار لغايه ما يتقل التقل ال انتي عاوزاه.وحطي ملح ورشه فلفل بعد ما تدوقي وظبطي وابدعي 😋💜
- بعدين كدا كل حاجه جاهزه هتجيبي طبق وتحطي فيه المعكرونه ال اتصفت وتحطي عليهم بشاميل كبشه واحده َتقلبيهم مع بعض
- هتجيبي الصينيه على قد الكميه ، هتحطي من تحت بشاميل كبشه كدا وبعدين طبقه معكرونه من تحت وبعدين الفراخ والخضار الصحي الحلو ده وبعديها طبقه موزاريلا او اي نوع جبنة بتحبيه وونص كبشه بشاميل كدا فوقيهم وبعدين باقي المعكرونه وبعديها باقي البشاميل والموزاريلا
- وحطيها في الفرن لغايه ما الوجه يحمر... ملحوظه صغيرة لاحظي اني عملت كميه صغيرة ، لو كميه كبيره هتكتري في كميه البشاميل انا استخدمت مياه عشان معنديش شوربه ولا لبن كفايه وكانت حلوه جداً باردو و عادي (الحاجه ام الاختراع يعني) 😂❤️ ممكن تعملي نفس الكلام نص لبن والباقي شوربه او كلو لبن ، او ممكن شوربه ومعاها بودرة لبن(عشان الطعم بس) ودقيق الدقيق مهم عشان هو ال بيتقل البشاميل (مع التقليب)
- طولت عليكم. 😘😊 ابدعو. 🌸😽 الف هنا وشفا💜😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد