→ كل الوصفات
#الشيف_الذهبي
المقادير
- كيس معكرونه اقلام
- 1/2 كيلو لحمة مفرومه
- بصلةمفرومه,
- فصين ثوم مفروم حسب الرغبه
- كوب عصير طماطم و ملعقة كاتشب,
- معلقه صغيره سكر
- ملح وفلفل اسود حسب الحاجة
- رشه جوزه الطيب
- ملعقة صغيرة بهارات7
- ملعقه صغيره بابريكا
- شطه حسب الرغبه
- 4 معالق دقيق
- 4 معالق سمنه
- 2 كوب لبن كبير
- كريمه طهي
- جبنة موتزاريلا
- بقسماط ناعم
طريقة التحضير
- في حله على النار نغلي ماء و نضع المعكرونه للسلق معاها ملعقة زيت و رشه ملح
- في حله على النار حنحط اي ماده دهنيه (زيت او سمنه) و نشوح البصل مع(الثوم حسب الرغبه) و ننزل باللحمه المفرومه و نحط كل البهارات ماعدا الملح في الاخر بعد م اللحمة تستوي و اول م اللحمة تغير لونها حننزل بعصير الطماطم و الكاتشب و نسيبها تستوي شويه
- للبشاميل : في حله على النار حنسخن السمنه و نحط الدقيق لحد م يتمزجوا سوا وننزل باللبن البارد ونقلب ب استمرار عشان ميكلكعش لحد م نأخذ القوام المطلوب لا يبقى تقيل اوي ولا خفيف اوي ونحط ملح وفلفل و(كريمه طهي او قشطه او جبنة كيري,مثلثات حسب الرغبه)
- في صينيه بايريكس ندهنها زبدة و نرش بقسماط و نحط كبشه بشاميل وبعدين نخلص المعكرونه بالبشاميل ونحط نص المعكرونه تحت وفي النص اللحمة المفرومه و بعديها بقيت المعكرونه ونحط باقيت البشاميل على الوجه ولازم تتغطي بالبشاميل واخر طبقه موتزاريلا و بقسماط
- رشه البقسماط لقرمشه الوجه وتدي لون ذهبي
- و بالف هنا و شفا ❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد