→ كل الوصفات
طريقة عمل معكرونه بشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو معكرونه أقلام
- 1/4 كيلو لحم مفروم معصج
- 4 معلقه سمن
- 4 معلقه دقيق
- لتر لبن
- 1 مكعب مرقه
- 2 بيضة
- رشه جوزه الطيب
- ملح
- فلفل اسود
- َمبشور جبن رومي وموتزريلا اختياري
طريقة التحضير
- هنسلق المعكرونة نص سلقه حوالي ٥ دقائق وترفع من على النار وتصفي
- صوص البشاميل:في حله على النار نضيف السمن ثم الدقيق ونقلب تشويحه بسيطه مش نحرقها وبعدين نضيف اللبن ومكعب المرقه مع التقليب المستمر منسبش ادينا منه خالص عشان ميعملش كتل وبعد الدقيق يذوب مع اللبن تماما نضيف الملح وجوزه الطيب ورشه فلفل أسود ونفضل نقلب منسبش ادينا منه لحد مايبدأ يغلي معانا نرفعه من النار ونسيبه يهدي نسبيا ونضرب بيضة واحدة جوه البشاميل ونقلبها لحد ما تتجامس مع البشاميل تماما وبكده يكون البشاميل جاهز
- نأخذ كوب كبير من البشاميل ونضرب معاه البيضه الأخرى كويس ونركنه للأخر للوجه
- هنجيب الصينية نضفيف ٣ ملاعق من بشاميل نفرده في قاع الصينية ثم نجيب المعكرونة نقلبها كلها في حله صوص البشاميل نقلبها كويس ثم نأخذ نص المعكرونة نفردها في الصينية وننزل فوقها باللحم المفروم المعصج نفردها فوقها ثم نفرد فوقها بباقي المعكرونة ثم ننزل بكوب البشاميل المخلوط بالبيضه نفرده فوق المعكرونة على الوجه ندخلها الفرن حتى تمام النضج
- اختياري:بعد ما وجهها يحمر نرشها بالجبنه وندخلها الفرن تاني تسيح وبعدين نسيبها تبرد شويه ثم تقطع وتقدم وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد