→ كل الوصفات

معكرونه بشاميل

سريعة جداً وحلوه اوي وقدميها مع صلصة

  • 2 معكرونة مقلمة
  • كيلو لحمة مفرومة
  • 3 بصل وسط
  • ملعقتين دقيق
  • 3 كاسات لبن
  • بهارات ملح فلفل اسود رشة قرفة وزيت
  • صلصة
  • بيضة
  1. اسلقي المعكرونة في ماء مغلية وزيت وملح
  2. قطعي البصل مربعات صغار وبعدين جيبي طاسه وحطي زيت والبصل لحد ما يذبل البصل وبعدها حطي اللحمة المفرومة لحد ما تستوي تماما بعدها حطي بهارات، ملح، فلفل اسود ورشه قرفة متكتريش
  3. اعملي البشاميل زيت ودقيق وقلبي بعدها حطي لبن وقلبي ولو لقيتي محتاج يتقل زودي دقيق وبعدها لوعايزه تحطي كيس بشاميل او تحطي فلفل اسود وملح
  4. استوت المعكرونة جيبي المعكرونة وحطي عليها اكتر من نص خليط البشاميل وقلبيها بعدها جيبي طبق او صينية وادهنيها زيت بلفرشه وحطي نص المعكرونة وبعدها اللحمة والبصل وبعدها طبقة معكرونه شفتي البشاميل الي سبينها على جنب حطي عليه بيضة عشان تأخذ وجه اخلطي البشاميل والبيض وحطيها على المعكرونة فوقها ولو عايزه تحطي موزاريلا حطي وادهنيها برضو زيت وب الفرن
  5. وهيا في الفرن جيبي حله واعملي صلصة مش طماطم جيبي صلصة وملح وفلفل اسود بس وماء وحطيها على البتوجاز
  6. المعكرونة مش هتطول في الفرن بتاع ١٥ دقيقه بس وخرجيها من الفرن وقدميها مع صلصة وبس كده بالعافية
عجبتك الوصفة؟
شوف كل وصفاتنا في مكان واحد
كل الوصفات →