→ كل الوصفات
طريقة عمل معكرونه بشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو معكرونه, بن
- 0.25 كيلو لحمة, مفرومه
- 2 طماطم, مبشورة
- 3 بصل, مفروم
- للبشاميل
- لتر حليب
- ملعقتين كبار دقيق
- ملعقتين كبار سمن
- التوابل
- ملعقتين فلفل أسود
- ملعقة كزبرة, ناشفة
- ملح
- كوب جبنه رومي, مبشور, إضافة من عندي
طريقة التحضير
- هنسلق المعكرونه بالماء على النار
- نعصج اللحمه, هنحطها على النار ونضيف عليها التوابل, ماعدا الملح. لما تنشف من الماء, هنضيف البصل المفروم ونقلبه كويس. ونضيف الملح. لما يصفر, هنضيف الطماطم ونقلبهم كويس مع بعض
- هنعمل البشاميل, هنحط السمنه على النار و معاها الملح والفلفل الأسود وبعدين نضيف الدقيق. لما يصفر معنا وريحته تطلع, هنضيف اللبن واحده واحده مع التقليب, لما يبقى معانا بشاميل متماسك ومش جامد قوي. وبعدين هنضيف عليه نص كمية الجبنة
- أنا أضفت اللحمة المتعصجه على المعكرونه وعليهم شوية بشاميل وقلبتهم في بعض كويس. وحطيت ملعقتين بشاميل في الصينيه وفردت عليها الخليط كله
- بعدين حطيت باقي البشاميل وعلى الوجه باقي الجبنه الرومي. ودخلتها فرن ساخن, لما اخدت اللون ده
- بس بجد طعم الجبنه الرومي هيفرق جامد مع المعكرونه. جربوها, غير اي صينيه بشاميل. وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد