→ كل الوصفات
طريقة عمل معكرونه وايت صوص بالجمبري 🦐🍜 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونه اقلام 400 جرام
- ½ كيلو جمبري وسط
- 2 كوب لبن
- ½ كيس خلطه بشاميل بالجبنه
- شبت
- زبدة
- فلفل اخضر
- ليمون
- ½ راس ثوم
- كمون
- ملح وفلفل اسود حسب الرغبة
- كزبرة ناشفة
طريقة التحضير
- هنقشر الجمبري ونتبله. هنجيب ٤ قرون فلفل اخضر ونص رأس ثوم ومعلقه كمون كبيرة ومعلقه فلفل اسمر ونصف ملعقة كزبرة ناشفة ورشه ملح وليمونه ونسيبه شويه في التتبيله
- هنسلق المعكرونة ٧ دقائق ونحط في الميه ملعقة صغيرة ملح وشويه زيت ونتركها على جنب
- هنحيب طاسه ساخنه نحط حبة زيت و٣ مكعبات زبدة
- واول ما الزبده تسيح هننزل بالجمبري حبة حبة عشان ما ينزلش مايته ونعصر عليه ليمونة ونفرم فصين ثوم
- لما يبقى لونه كله اورنج (برتقال) ولون واحد هننزل بالمعكرونة المسلوقه ونديها تشويحه مع الجمبري ونزود مكعب زبدة كمان
- هنجيب اللبن والخلطه البشاميل بالجبنه ونقلبهم على البارد ونحط معاهم مكعب زبدة
- لما المعكرونة تأخذ تشويحه مع الجمبري والزبده هننزل عليهم بالصوص ونزود الشبت عليهم ونغطيهم ونخفف النار ونسيبهم دقيقتين كمان عشان الصوص يتقل شويه
- وفي خطوه اختياري نزود رشة جبنة رومي او موتزاريلا او اي نوع جبن بنحبها بس بتدي تيست حلو اوي ❤️ وبالف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد