→ كل الوصفات
طريقة عمل معكرونه وايت صوص بالمشروم (الفطر) و الجمبري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونه 500 جرام اي نوع مسلوق نصف سلقه
- ½ كيلو جمبري مقشر و مغسول جيداً
- ½ كوب مشروم (فطر) مقطع شرائح
- 6 فصوص ثوم مفروم ناعم
- كوب كريمه طهي
- كوب لبن (حليب)
- رشه بهارات سمك
- رشه فلفل أسود
- ½ كوب مشكل جبن حسب الموجود انا حطيت شيدر و رومي
- بقدونس او كزبرة للتزيين
- معلقتين زبده
- معلقه زيت
طريقة التحضير
- نجيب طاوة او حله كبيرة و نحط الزيت و الزبدة تسخن كويس و نحط الجمبري و نسيبه منحركهوش علشان مينزلش ميته
- لما الجمبري يغير لونه و دة خلال دقيقه او دقيقتين بالكتير نحط الثوم المفروم و المشروم (الفطر) و البهارات و نقلبهم كويس جداً و دقيقتين و نرفعهم من على النار و في نفس الطاسه نحط المعكرونه و اللبن و الكريمه و نقلبهم على نار هاديه و اول ما تغلي نضيف الجمبري و المشروم (الفطر) و الجبن و نقلبهم لحد ما الجبن تسيح و تقدم ساخنه و تزين بالبقدونس
- و ممكن تضيفي جبنة موتزاريلا و تدخليها الفرن تأخذ وجه
- ملحوظه -- انا محطيتش ملح لان الجبن فيها ملح لو حبيتي تزودي دي حاجه ترجعلك.. وبالهنا و العافيه عليكم و علينا 😍🥰💜💚
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد