→ كل الوصفات

معمول العيد بالحليب المكثف المحلي

طريقتي ف عمل المعمول بطريقه سهله وبسيطه ودي كمان عمايل ايديا وتصويري كمان 😊

  • كيلو دقيق للكحك والبسكوت او دقيق فاخر
  • 300 جرام حليب مكثف بالاكواب المعياريه كوب واحد
  • كوب الا ربع حليب بارد
  • رشه ملح
  • ½ معلقه صغيره محسن كيك
  • 600 جرام زبده ولو سمن بقري او سمن نباتي يبقي 500جرام
  • 2 معلقه كبيره ماءورد حسب الرغبه
  • 2 معلقه كبيره ماءزهر حسب الرغبه
  • بهارات معمول حسب الرغبه
  • الحشوه بقي...كيلو الا ربع عجوه وعليها معلقه كبيره سمن او زبده
  1. الزبده تكون بحراره التلاجه
  2. نقلب الدقيق مع الملح و المحسن كيك او البكينج بودر ننزل عليهم بالزبده ونقلبهم كويس جدا لحد ما الدقيق يتشرب الزبده كويس
  3. ندخلهم التلاجه ساعتين ولو ف الشتا يبقي ساعه
  4. نخرجها من التلاجه ونضيف عليها الحليب المكثف المحلي والحليب البارد ونقلبهم بس منعجنش
  5. ندخل العجينه التلاجه ترتاح نص ساعه
  6. نخرج العجينه ونبدء نشكلها ونحشيها بالعجوه نعمل تجويف ونحشيها وبنقشها بالشوكه
  7. ندخل الصنيه اللي تتشكل التلاجه ترتاح ربع ساعه علشان النقشه او ما تدخل الفرن تفضل موجوده وباينه
  8. ندخلها الفرن ع درجه حراره 250 فرن متسخن لمده ربع ساعه نفتح الشوايه ياخد لون ونخرج المعمول وبالف هنا
عجبتك الوصفة؟
شوف كل وصفاتنا في مكان واحد
كل الوصفات →