→ كل الوصفات

معمول العيد 😍

طريقة عمل معمول العيد 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو طحين أبيض منخول
  • 1/2 كيلو سمنه حيواني
  • 1/2 كوب كبير قطر سميك وباااااارد وممكن نزيد شوي حسب امتصاص الطحين (ممكن ثلث رباع الكوب)
  • منكهات فيكن تضيفوا اي شي بتحبو ملعقة كبيرة من : (محلب او فانيلا او ماء الزهر) انا ضفت ملعقة كبيرة من ماء الزهر
  1. بفرك كمية الطحين بالسمن كتييىر منيح ليصير لونا فاتح وكريمي بغلفها وبدخلها على البراد من ساعة لساعتين لحتى الطحين يتشرب منيح بطالعها وبرجع بفتتها بايدي وبلش لمها مرة تانيه
  2. بضيف بالاول ربع كوب قطر بارد وبلم وبرجع بضيف ربع كوب تاني وبلمها وممكن نزيد شوي اذا حسيتوها ناشفة (كمية القطر يلي بضيفها تعتمد على حسب نوع الطحين) وبقسمها أربع أقسام وبغلف كل قسم لحال وعلى البرادد
  3. منطلعا بعد ساعة من البراد ومنبلش نشتغل فيا ومنشكلا بالقالب.. شكلت اول قسم وبدخلها البراد وبلش أشتغل بالقسم التاني لتخلص الكميةوضروري كتيير تكون حبات المعمول باااردة ومتماسكه منيح قبل الشوي وكل ماضلت بالبراد اكتر لح يحافظ المعمول على شكله وماتروح الرسمه
  4. بسخن الفرن منيح على درجه ٢٥٠ وضروري يكون محمى منيح بشغلوا من فوق وتحت وبشوي المعمول اول من فوق وبعدين من تحت واول مايشقروا بطالعهن وبتركن ليبردوا منيح
  5. طريقة القطر: كوب وربع ماء وكوبين سكر وعلى الغاز بس يبلش يغلي بضيف رشة حمض الليمون وبخفف النار للوسط وبتركوا من ١٠ الى ١٥ دقيقه وبتركوا ليبرد
  6. حشوة التمر: ٨٠٠ غ تمر مطحون ومعلقه صغيرة قرفة ومعلقه وسط سمنه حيواني ومنعجن كتيير منيح
  7. حشوة الجوز: ٢٥٠ غ جوز قسم بضربوا بالخلاط وقسم بفرمه وسط وبضيف له معلقتين كبار قطر ومعلقتين ماء الزهر ومعلقه سكر ومعلقه صغيرة سمن حيواني ومعلقه صغيرة قرفة وبعجنن كتيير منيح
عجبتك الوصفة؟
شوف كل وصفاتنا في مكان واحد
كل الوصفات →