→ كل الوصفات

مقروط لعسل سلطان المائدة الجزائرية في العيد 🇩🇿

عيد مبارك سعيد لكل الامة الإسلامية حضرت مقروط لعسل محشي باللوز يجي مرمل ومعسل طيبتو في الفرن ولحضت انو يجي خير من نتاع المقلاة

  • 3 كيلات سميد متوسط
  • ½ كيلة فرينة
  • قرصة ملح
  • ملعقة صغيرة فانيلا
  • ملعقة كبيرة سكر
  • كيلة سمن ذايب وبارد
  • كيلة ماء وماء الزهر
  • للحشو
  • كيلة سكر
  • 3 كيلات لوز مرحي
  • فانيلا
  • ملعقة زبدة
  • القليل من الماء الزهر
  1. بسم الله نحضر العجينة في جفنة نضع جميع المكونات الجافة ونعمل حفرة في الوسط ونضيف السمن ونبسس الكل مع بعض ونخلي يرتاح
  2. نحضر الحشو نخلط السكر مع اللوز وفنيلا وزبدة ونلمو بماء الزهر حتى نتحصلو على عجينة
  3. بعد مرتح سميد نرشو عليه ماء وماء الزهر ونجمع
  4. نشكل حربوش من العجين ونحط في الوسط اللوز ايضا على شكل حربوش ونغلاق جيدآ ونعطيه شكل مرتب ومتحوف ونقطع معينات مقروطات يكونو بوبي شوية والي الفرن يكون شعل من قبل كي يتحمر شوي من الجونب نشعل من فوق حتى يأخذ اللون الذهبي نخرجو ونعسلو مباشرة
  5. نقدرو نعسلوه مرتين او ثلاث مرات وشهية طيبة
  6. الهم صلي وسلم وبارك على سيدنا وحبيبنا محمد عليه افضل الصلاة والسلام
عجبتك الوصفة؟
شوف كل وصفاتنا في مكان واحد
كل الوصفات →