→ كل الوصفات
طريقة عمل مقلوبة الباذنجان بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 صدور فراخ متقطعه
- 1 باذنجانة
- 1 بطاطس
- 1/2 رز
- 3 حبات طماطم
- توابل الفراخ
- ملح
- رشة فلفل اسود
- بصل وثوم بودر
طريقة التحضير
- الاول انا قطعت البتنجانة شرايح بالطول هي والبطاطس وقلتهم في الزيت
- بعدين جهزت رز ابيض بس مضفتش عليه اي حاجة زاي بتاع الفته وممكن يبقى رز بسمتي بدل العادي
- بعدين اديت الصدور صدمة في الزبدة ولما خدت وجه كويس طلعتها
- وحطيت مكانها بصلة متقطعه مكعبات صغيرة وحطيت عليها التوابل بتاعتي
- اللي هي توابل الفراخ وملح ورشة فلفل اسود وبصل بودر وثوم بودر وحطيت عليها لما اتشوحت عصير المطاطم وبعد متسبكت حطيت عليها الصدور علشان تكمل سواها
- بعدين جبت الطاجن البايركس وحطيت الاول الباذنجان بعدين البطاطس بعدين صدور الفراخ طلعتها من الصلصة ومعاها شوية منها مش كتير يادوب غطت الباذنجان والبطاطس وبعدين ضفت عليهم الرز وضغط كويس ولما بتتقدم بتتقلب في طبق التقديم
- كانت حلوة اوي جربوها ومش محتاجة ان يكون جنبها حاجة تاني ممكن المخلل او السلطة وبس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد