→ كل الوصفات
طريقة عمل مقلوبة الباذنجان باللحمه اللايت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 بصلة كبيره مقطعه انصاص حلقات
- 1 فلفل اخضر
- 1 فلفل اصفر (اختياري) مقطع شرايح طوليه رفيعه
- 1 طماطم مقطعه شرايح
- قطع لحم مسلوقه 3/4 سوا مع
- 3 باذنجان رومي كبير مقطع شرايح طوليه متوسطه السمك
- 1 بصل
- عصير طماطم
- حبهان
- ورق لوري
- 3 كوب رز مغسول ومنقوع نص ساعه في مايه دافيه
طريقة التحضير
- الاول هنشوي شرايح الباتنجان في جريل على البوتجاز هنرص الشرائح وندهنها بالفرشه زيت خفيف من الناحيتين ونقلبها لحد ما نحسه استوي وتمام
- في طاسه تيفال هنشوح البصل بمعلقة زيت او حتة زبده صغيره يكون افضل مع اللحمه ونضيف ملح وفلفل اسود
- هنجيب الحله ونرص حلقات البصل في القعر وبعدين الفلفل المتقطع وفوقيهم اللحمه وفوقيها الطماطم وبعدين الباتنجان ونرصه في القعر و على الجوانب كمان
- بحيث يبقا نص البتنجانه على القعر والنص على الجانب
- وبعدين نحط الرز ونسقيه شوربه وناخد بالنا الشوربه ازيد شويه من مقدار الرز
- ونسوي الحله على النار تسوية الرز الاول عالي وبعدين على اهدي حاجه لما تبتدي تتشرب
- لو عاوزه الاكله دي دايت استغني عن معلقتين الزيت اللي شويتي بيها الباتنجان واللي شوحتي بيها البصل بس هي كده معقوله جدا الدايت اسلوب صحي مش حرمان
- وبس لما الرز يستوي هنقلب الحله في طبق كبير
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد