→ كل الوصفات

مقلوبة الباذنجان عالطريقة السورية

اكلة طيبة كتير بتمنى تعجبكم..😄

  • كاستين رز بسمتي طويل
  • 2 _3 حبة باذنجان حجم كبير
  • 300 غرام لحمة مفرومة ناعم
  • بهارات اللحمة
  • رشة ملح وفلفل اسود وابيض وبابريكا وزنجبيل بودرة
  • رشة ملح وفلفل اسود وابيض لماء الرز
  • زيت قلي
  • مكسرات كاجو وصنوبر او لوز حسب الموجود
  1. اول خطوة بنقشر الباتنجان خط بخط وبنقسمو بكرات او بالطول وبنقلين بزيت حامي حتى يتحمرو
  2. بنغسل الرز وبننقعه بالمي وبنتركه عجنب
  3. بعدا بنجهز طنجرةعالنار وبنغمرها بمي وبنحط فيها رشة ملح وفلفل اسود وابيض وبنطب فيها الباتنجان المقلي وبنغطي الطنجرة
  4. بس غلت المي اول غلوة
  5. بنطفي النار و منطالع الباتنجان من المي وبنحطه عجنب بصحن
  6. ومناخد ٤ كاسات من الماء يلي غلينا فيه الباتنجان وبنحطو بطنجرة وبنطب فوقه الرز بعد ما نغسله ونصفيه من ماء النقع
  7. وبنطبخوو متل مابنطبخ الرز الطويل
  8. وبهالوقت بنقلي اللحمة المفرومة ب شوية زيت وبنحط فوقها البهارات المذكورة
  9. بعدا بس استوت بنطفي عليها وبنتركها عجنب ليستوي الرز
  10. ومنجهز المكسرات ومنحمصن بشوية زبدة ليتحمرو
  11. بعدا بس استوى الرز بنصبو كطبقة اولى بصحن التقديم
  12. ومنحط الباتنجان المقلي كطبقة تانية فوق الرز
  13. واللحمة الناعمة فوق الباتنجان
  14. واخر شي المكسرات عالوجه
  15. وبنقدمو بهالشكل
  16. جنب المخللات والسلطات واللبن والخضروات حسب الرغبه
  17. بتمنى تنال اعجابكم
  18. صور اضافية
  19. صور اضافية
  20. صحة وهنا..🌷
عجبتك الوصفة؟
شوف كل وصفاتنا في مكان واحد
كل الوصفات →