→ كل الوصفات

مقلوبة باللحم 🍛😋

طريقة عمل مقلوبة باللحم 🍛😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو لحم قطع
  • 2 كوب أرز بسمتي
  • 2 بطاطس
  • 2 باتنجان
  • 2 طماطم
  • 2 كوسة
  • 2 جزر مبشور
  • ملعقة صنوبر وزبيب حسب الرغبة
  • 1 بصل
  • رشة كركم
  • 0.5 ملعقة فلفل اسمر
  • رشة كمون
  • ملعقة ملح
  • قليل سمنة
  1. هناخد كمية من الرز على حسب رغبتك وهنغسلهم وننقعهم في طبق ونسيبهم على جنب
  2. هنسلق اللحمة كمان 3/4 سواء ومننساش الكركم في الشوربه يعني الشوربة تبقا صفراء مع البهارات طبعا ملح وفلفل اسمر وكمون وبصلة وطماطماية متقطعين اربع تربع
  3. هنقطع البصل والطماطم شرايح والبطاطس والباتنجان والكوسة قطع صغيرة او مربعات ونقليهم نصفرهم بس
  4. هدهن قعر الحلة زيت او سمنة وارص شرايح البصل والطماطم
  5. بعدين هرص اللحمة وعليها الخضار المقلي نص نص وهرش عليهم رشة ملح خفيفة
  6. هغطيهم بعد كدا بالرز بعد ما اصفيه من ميته اللي كان منقوع فيها كويس
  7. هجيب كبشه وافضي الشوربة عليهم ببهاراتها بما فيهم الكركم دا مهم اوي بالنسبة لي 😂💛
  8. وهحطها على نار عالية اول ما تغلي ههدي النار عليها واسيبها تستوي
  9. هدوق الرز لو استوى يبقا فينيتو خلاص 👏
  10. هقلبها في صينية واكون قاليه زبيب وصنوبر وجزر مبشور في شوية سمنة وهرشهم على الوش كتجميل
  11. وصحتين وهنا ❤
عجبتك الوصفة؟
شوف كل وصفاتنا في مكان واحد
كل الوصفات →