→ كل الوصفات

مقلوبه بالفراخ

#ع_طريقتي المقلوبه بالطريقه ال عرايشيه #ولا_احلا 😍 معاكي خطوه ب خطوه #ولا_اسهل 👌 #عزايم_رمضان #رمضان_كريم 🌙 💖

  • رز مصري
  • بطاطس
  • فراخ
  • باذنجان
  • بصل
  • ثوم
  • فلفل رومي
  • فلفل حامي
  • طماطم
  • ملح
  • فلفل اسود
  • بهارات فراخ
  • كاري
  • كركم
  • هيل
  • قرنفل
  • ورق لوري
  • بصله مفرومه ناعم
  1. هانقطع البطاطس والبنتجان دوائر عريضه والبصل والفلفل والثوم ونقليهم في الزيت و نطلعهم على جنب ونصفيهم على ورق المطبخ
  2. في الحله هانحط الزيت ونزل عليه الطماطم بالشكل ده ونرش عليها ملح وفلفل اسود وبهارات فراخ ونخليها تتقلي في الزيت شويا نبعد الحله عن النار عشان نبدأ نرص الحله بتاعتنا 😉
  3. هانحط الفلفل والثوم.. وطبعا انا حمرت الفراخ في اشويا زيت اديتها اللون الذهبي ونبدا نرص الفراخ وبعدها البصل والبنتجان والبطاطس زي ما تحبي
  4. في بوله غويطه هانحط كميه الرز اللي انتي عايزاها و هاتحطي عليها الكركم والكاري وملح وفلفل اسود وبهارات فراخ ورق لوري وهيل وقرنفل ونلخبطهم في بعض وبعد كدا نحطهم على الحله بعد ما رصينها طبعاً كده ونحط كميه الماء حسب الحله بتعتك و الكميه اللي انتي عاملاها ونسيبها تغلى ونخفف عليها ونحط الشياطه ونسيبها لحد ما تستوي وبالهنا والشفا ✌️
  5. معلومه كده #سر_الطبخة انا كنت مجهزه الفراخ من بليل وكنت متبلها ببصله مفرومه ناعم وعليه ملح وفلفل اسود وبهارات فراخ و رشه كاري وسبتها من بليل في الثلاجه.. وقبل ما رصها في الحله اديتها صدمه على الجريلا عشان تأخذ لون التحمير زي كدا 👇
عجبتك الوصفة؟
شوف كل وصفاتنا في مكان واحد
كل الوصفات →