→ كل الوصفات
#تحدي-يوميات-رمضان
المقادير
- 4 قطع دجاجة مقطعة
- كوب فول اخضر لانه بحب احط معها خضار تانيه
- حبتين بطاطا
- حبتين باذنجان
- 3 كوب رز بسمتي ورز قصير الحبه بحب اخلطهم سوا
- 4 حبات بندورة
- ملح
- فلفل اسود
- كاري
- بهارات طبيخ
- زنجبيل مطحون
- كزبرة مطحونه
- بصله
- معلقتين كبار زيت نباتي
- 4 حبات هيل
- ورقتين غار
- ملح
- ماء مغليه
- بصله
- معلقتين كبار زيت نباتي
- ملح
- فلفل اسود
- رشه كاري
- بهارات
- معلقتين كبار لبن
- معلقتين كبار زيت زيتون
- معلقه كبيرة خردل
- معلقه كبيرة معجون بندورة
- عصير نص حبه ليمون
- ملح
- فلفل اسود
- رشه بودرة كنور
- رشه زنجبيل مطحون
- رشه بابريكا حارة
- رشه فلفل احمر مطحون
- رشه ثوم بودرة
- سن ثوم مهروس
- اي اضافات تانيه حسب الرغبه
طريقة التحضير
- بسلق الدجاج المنضف والمنقوع والمصفى بالطريقه المعتاده بحوس البصل مع الزيت وبنزل عليهم الدجاج وبقلب الدجاج منيح معهم لحتى يبلش لونه يتغير. بنزل عليه الماء المغليه وبتركه يغلي بشيل كل الزفرة اللي بتطلع على الوجه وهلا بحط المطيبات من هيل وورق غار وملح وبتركه يستوي... هلأ بنقع الرز وبتركهم على جنب بجيب طنجرة بحط فيها شرائح بندورة ورشه رز وببلش اقلي الخضار واصفطهم بالطنجرة. الفول الاخضر بحب اسلقه اول شي وبعدين اقلبه مع بصل وزيت زيتون وملح وبهارات وفلفل اسود وكاري
- بحط الرز فوق الخضار وبحط مرقه الدجاج عليهم وبتركهم على الغاز يغلو اول ثلاث دقائق على نار عاليه بعدين بهدي الغاز. بجهز خلطه ان ننقع الدجاج بخلط كل المكونات سوا من لبن وعصير ليمون وزيت زيتون وخردل وبهارات كلها وبنقع الدجاج فيه وبشويه بالفرن او بقليه قلي. بسكب المقلوبه وبحط عليها الدجاج وبزينها باللوز والبقدونس وبقدمها جنب سلطه خيار باللبن وسلطه بندورة ودقوس وشطه حارة وصحتين والف هنا. #مقلوبه-#فول-#اخضر-#خضار-#باذنجان-#بطاطا-#يومياتي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد