→ كل الوصفات
#صدقة_جارية
المقادير
- فراخ حسب عدد الاشخاص
- 4 كوب رز
- 4 حبات بطاطس
- 3 حبات بتنجان رومي كبار
- من6ل 8 ك شوربه من الفراخ حسب نوع الرز
- حمص، زبيب (مكسرات"اختياري")
- م ص ملح
- 1/2 م ص فلفل اسود و جنزبيل وقرفه وكاري وكركم
- حبايه طماطم و جزر وبصل لقاع الحله
طريقة التحضير
- هنسلق الفرخه بعد تنضيفها بالطريقه دي وممكن نزود علي الطريقه فص مستكه اختياري
- وعلي الفراخ متستوي نقطع البتنجان "بالطول مش حلقات" نغسله ونحطه في مصفي وعليه ملح عشان ينزل المياه والبطاطس نقطعها حلقات متبقاش تخينه ولا رفيعه وبعد الغسيل نحمرها في زيت تاخد لون ونطلعها ونزل بعدها البتنجان ياخد لون ونطلعهم "علي مناديل"
- لما الفراخ تستوي هنشوحها في شويه زيت ومكعب زبده وعليها رشه ملح تاخد لون ونجهز حلتنا "غير قابله للصق"ونقطع طمطمايه وبصله وجزرايه حلقات ونفردها في قاع الحله"ويكون الرز مغسول كويس ومتصفي نحط عليه التوابل ونقلبهم في بعض عشان يبقي رز مبهر"
- بعد مرصينا الطماطم والبصل والجزر نحط شويه من الرز عليهم يملئ الفراغات ونحط كام قطعه من الفراخ بعد كدا نرص البتنجان بالطول يبقي واقف ساند علي اطار الحله يعني طرفه تحت عند الرز والطرف التاني باصص لفوق كدا حوالين داير الحله ونحط فوق الفراخ طبقه من البطاطس مرصوصه عليها وعليها بتنجان بردو ورز ولو فيه قطع من الفراخ نحط تاني ونكرر نفس الطبقات لغايه متخلص خالص ونتني البتنجان اللي واقف فوق علي طبقه الرز الاخيره من فوق ونسقي الرز
- كل كوبايه رز بتاخد كوبايه ونص ماعدا النوع الاخير خد مني كوبايتين فنخليها كوبايه ونص شوربه متصفيه من الخضار لكل كوبايه رز ولو احتاج شوربه نزود من جوانب الحله بنخليها علي نار عاليه وبعد شويه بنوطي ونقلب الزبيب تقليبتين مكان الفراخ لحد مينتفخ ولما نقلب الصينيه نحط الزبيب والحمص وبالف هنا🩵
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد