→ كل الوصفات
وصفة شتوية بتدفي اوي وطعمها يجنن وهي وصفة من مطبخ الليبي وصفة سهلة جدا وبإذن الله هتعجبكم ♥️ #اطباق_2020 #اطباق_رئيسية #وصفات_بالدجاج #باستا
المقادير
- 1/2 : 3/4 ك مكرونة جافة يفضل اقلام (بيني) بس انا مكنش عندي
- 2 بصلة مفرومة قطع صغيرة خالص
- 2 بطاطس كبيرة مقطعه مكعبات كبيرة
- فراخ مقطعه الى 8 قطع (يعني نفصل الورك عن دبوس و هكذا)
- 2 كوسة شرائح عريضة
- 2 جزر كبير شرائح عريضه او مكعبات كبيرة
- كرنب شرائح عريضه كمية حسب الرغبة (اختياري)
- 4 م ك زيت
- ملح وفلفل اسود حسب الرغبه
- رشه حبهان بودر
- م ص شطة (اختياري)
- 2 م ص كركم
- 4 طماطم مضروبين ف خلاط
- 2 م ك صلصة
- 2 مكعب ماجي
- ماء مغلي كافي للتسوية او مرقة
طريقة التحضير
- بنقطع بطاطس والجزر والكوسه احجام كبيره علشان ماتتهريش بسرعة
- تحطي زيت وتخرطي عليه بصل تسبيه يدبل عالنار وتنزلي عليه بالفراخ وتحطي فراخ ع جلدها علشان تاخد لون
- وتحطي عليهم شوية ملح وفلفل وحبهان وكركم ماتحطيش ملح كتير لاننا هنحط تاني ف الاخر لو احتاجت
- هتخلي الفراخ تستوي نص سوى
- وتحطي عليهم عصير طماطم وصلصه ومرقه دجاج وشوية مية مغليه اول ما يغلوا حطي عليهم الخضار المتقطع اول مالخضار يبقي نص سوي نزلي المكرونه وحطي مايه أو شوربه لحد ماتغطي بها المكونات كلها وشوفي محتاج ملح ولا لأ وحطي شطة وتخلي النار متوسطه عليهم لحد ماتستوي المكرونه وتقدم ساخنه جدا وبألف هنا ♥️ انا بحب تكون فيها صوص شوية زي الوصفة الاصلية بس ف ناس بتخليها تشرب مية بتاعتها جامد اوي
- ملحوظة كان عندي بروكلي حطيته بس مش لازم تحطيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد