→ كل الوصفات
#من_القلب بتكات هتعجبك ♥️
المقادير
- 2 كيس مكرونة 400 جم
- 1 كيلو لبن
- 1 باكو بشاميل جاهز
- 1/2 كيلو موتزاريلا
- 1/4 جبنة شيدر
- 1 مرقة دجاج
- 1/2 كيلو لحمة مفرومة
- 1 بصلة
- 4 توم
- 1 م ك صلصة
- ملح
- فلفل اسود
- بابريكا
- توم باودر
- بصل باودر
- كمون
- كسبرة ناشفة
طريقة التحضير
- هنسلق المكرونة عادي جدا بالمية بس و نصفيها
- هنقطع البصلة و نشوحها و بعدين التوم و لو فيه فلفل حراق نحط قرن.. و بعدين نضيف اللحمة المفرومة و بعدين البهارات و الصلصة و نحط نص كوباية ماية
- البشاميل بنحط كيلو اللبن عليه باكو البشاميل و اقلب كويس.. حسيناه خفيف نزود بشاميل حسيناه تقيل اوي نزود لبن لحد ما يكون القوام مظبوط و نحط المرقة
- هنجيب الصينية نبطنها بزيت او دقيق.. هنحط كمية مناسبة من البشاميل تغطي الصينية و بعدين نص كمية المكرونة و نحط حبة بشاميل و نساوي بعدين اللحمة المفرومة و نساوي و بعدين نص كمية المكرونة و عليهم حبة البشاميل و نساوي
- بعد كدة بنحط الموتزاريلا تغطي المكرونة كلها و بعدين كمية البشاميل الباقية لازم تكون كتير زي الصورة
- بعدين نرص قطع الشيدر زي الصورة
- و ندخلها الفرن لحد ما تستوي و بعدين نفتح الشواية لحد ما الوش يتحمر و ألف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد