→ كل الوصفات

مكرونة بالبشاميل بالجبن

انا المرة اللي فاتت عملتها بالبقسماط ولحمه مفرومه معصجه بس المرة دي عملتها بشاميل بالجبن واللحمة المفرومة المعصجة بالخضار طعمها حلو وخفيف هتعجبكم بإذن الله #لالة_مولاتي #باستا #الثلاثاء

  • كوب دقيق
  • م ك سمنة
  • م ك زيت
  • 1/2 لتر حليب سخن
  • مرقة ساخنه على حسب القوام محتاج اد ايه (في حالة انه احتاج)
  • 2 بيضه
  • ملح وفلفل اسود حسب الرغبه
  • رشة قرفة
  • ميكس جبن شيدر وموزاريلا و كريمي كمية حسب الرغبة
  • 3/4 ك معكرونه بيني (اقلام) (معكرونة فرن) مسلوقة ومصفى
  • ملح وفلفل اسود حسب الرغبه
  • 2 ملعقة ك صلصة (اختياري)
  • 2 م ك من صوص بشاميل
  • رشة توابل متنوعة
  • 1/2 ك لحمة مفرومة معصجة او ميكس فراخ ولحمه او فراخ بس
  • قطع صغيره فلفل رومي اخضر و احمر واصفر مقطع
  • سمنة لدهن صينيه
  • بيضه مخفوقة لتغطية الوجه
  • ميكس جبن موزاريلا وشيدر مبشورين
  1. بالنسبة لصوص بشاميل: هنجيب حلة نحط فيها سمنه وزيت واول لما تسيح سمنه بحط الدقيق واقلب لحد ما لونه يكون ذهبي وكريمي برفعها من على نار على جنب وبنزل الحليب بالتدريج مع تقليب المستمر علشان ماتعملش كتل
  2. وافضل اقلب لو قوام لسه تقيل بنزل بالمرقة و اقلب بردو لحد ما اوصل للقوام المطلوب او اللي بتحبيه بس ياريت تخلي قوام خفيف شوية علشان لسه هنحط الجبن وهتتقل المهم مجرد ماتوصلي للقوام هتسيبها تبدأ في الغليان و تظهر الفقاعات هتقفلي عليه
  3. وبعدين هنزل بالجبن واقلبها علشان يسيحوا واسيبها تهدى واحط عليها بيضتين و توابل ونخلطهم كويس اوي ونسيبها على جنب علشان نجهز صينيه اللي هنعمل فيها
  4. هنجيب بولة نحط فيها المعكرونه و ملح وفلفل اسود حسب الرغبه ورشة التوابل متنوعة (بصي لو هتعملي حشوة فراخ حطي توابل فراخ في معكرونه لو لحمة هتحطي توابل لحمة او توابل متنوعة بتنفع في اي وصفة بتتجاب من عند العطار)
  5. واحط صلصة و اخلطهم واحط معلقتين كبار بشاميل ونخلطهم كلهم كويس
  6. واجيب صينيه مدهونه سمنه مع رشه بقسماط او ممكن تحطي طبقه بشاميل براحتك طبعاً اخد بقى جزء من المعكرونة وافردها في صينيه طبقة و على جنب هخلط اللحمة المعصجه مع الفلفل الالوان وممكن تحطي مشروم (فطر) كمان او فلفل حار و احطهم فوق طبقة المعكرونة وافردها عليها زي طبقه
  7. وبعدين احط بقيت المعكرونه فوقهم و اسويهم واحط باقي بشاميل عليهم من فوق ورشيت جبن من فوق كتير و بعدين وزعت البيضه المخفوقة عليها من فوق وفردتها بفرشة ودخلتها الفرن لحد ما استوت واخذت لون الذهبي طلعتها و تقدميها و بألف هنا ⁦♥️⁩
  8. ملحوظة بس لو بشاميل المرقة مكفتش وبردو القوام تقيل بالنسبة ليكي سخني شوية شوية حليب وطبعا هنزلها بالتدريج مع تقليب المستمر
عجبتك الوصفة؟
شوف كل وصفاتنا في مكان واحد
كل الوصفات →