→ كل الوصفات
طريقة عمل مكرونة بالبشاميل شرح مفصل للمبتدئين سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3/4 ك مكرونة قلم
- 1/2 ك لحم مفروم
- صلصة
- معلقة سمن لللحم
- بصلة كبيرة او 2 صغيرين
- 5 ملاعق كبار دقيق للبشاميل
- 2.5 ملعقة سمن للبشاميل
- 2.5 زيت للبشاميل
- حوالي 1.5 ك لبن للبشاميل
طريقة التحضير
- اولا البشاميل بالتفصيل ،،، نسيح السمن مع الزيت ونضع عليه الدقيق وتقلبيه كويس لمدة ٥ دقايق وخلي بالك لونه مش يتغير انزلي عليه ب كيلو لبن وقلبي كويس لغاية ما يمتزج اللبن مع الدقيق (لو لقيتي حتت الدقيق مش داب كويس ممكن تستخدمي المضرب الكهرباء اضربيهم شوية هيفك) ضيفي الملح و فلفل اسمر ولو عندك مرقة دجاج حطي نص واحدة هتديكي نفس طعم الجاهز بعد ما يستوي طفي النار وضيفي نص ك اللبن الباقي (محتاجة البشاميل الي حد ما خفيف)كل ما كان خفيف كل ما كانت صنية المكرونة خفيفة في الاكل
- نبشر البصل ونضيف السمن ونشوحها على النار نضيف ليها اللحم المفروم وتتقلب كويس وتفكيكها وخلي بالك لازم تقلبي كويس علشان تستوي حلو ضيفي الملح و الفلفل الاسمر وغطيها ووطي النار عليها هننزل ميتها وتشربها تاني في الوقت ده ضيفي الصلصة (ممكن تستغني عن الصلصة لو بتحبيها بيضة) سبيها على النار لغاية ما تتسبك
- حضري الصينية إلي هتعملي فيها حطي فيها نص كمية المكرونة وعليها كبشتين من البشاميل وقلبيهم ضيفي اللحم المفروم وساويه (سيبي ملعقة صغيرة من اللحم لو حاطة عليها صلصة) على كل الصينية ولو عندك جبنة مبشورة أو موتزاريلا حطي شوية ضيفي باقي المكرونة وعليها باقي البشاميل لكن شيلي كبشتين للوش
- نضرب بيضة بملح و فلفل ونضيفهم لباقي البشاميل ومعاهم جبنة مبشورة لو عندك ومعاهم ملعقة اللحم الباقيه وقلبيهم كويس و حطيهم على الوش ودخليها الفرن لغاية الوش ما يحمر (لو الفرن عندك بمروحة شغليه فوق وتحت ومروحة) لو عادي يبقى فوق و تحت وسبيها لغاية الوش ما يحمر بعد ما تخرج سبيها حوالي ١٥ دقيقة تهدى وبعد كدة قطعيها وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد