→ كل الوصفات
اتعلمتها لوحدي والكل بيحب ياكلها م ايدي اهلى وبيت جوزي وحتي جيراني 😹😹
المقادير
- كيلو مكرونة قلم
- 2 حبات بصل متقطع
- شوية زيت
- ¼ كيلو لحمة مفرومة
- ملح وفلفل اسود حسب الرغبة
- 2 حبات طماطم
- شطة
- البشاميل
- كوبايتين دقيق
- كوبايتين لبن
- كوباية مياه
- ملعقة سمنة وزيت
- رشة فلفل اسود
طريقة التحضير
- اول حاجة نقطع البصل ونحمره وبعدين نحط اللحمة ونسيبها لحد ماتتعسج وبعدين ننزل بالطماطم المتقطعة صغير اوي ونحط ملح وفلفل اسود وشطة
- البشاميل نحط ف حلة زيت وسمنة وننزل بكوبايتين دقيق ونسيبهم يتحمروا وبعدين نحط كوبايتين لبن وكوباية مياه ونفضل نحرك فيه لحد مانحصل علي قوام كريمي
- وبعدين نسلق المكرونة ومانخلهاش تتسلق اوي ونحطلها ملح
- بعدين هنفرد الصينية بمعلقة زيت ونحط طبقة بشاميل بعدين نحط طبقة مكرونة ونحط اللحمة وطبقة بشاميل وبعدين نحط طبقة المكرونة وطبقة البشاميل م فوق وممكن ندهن الوش ببيضة او لو مش عاوزه خلاص ودخليها ف الفرن ولعي م فوق وم تحت وتخليها تاخد اللون الدهبي وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد