→ كل الوصفات
طريقة عمل مكرونة بالبشاميل والجبنة الرومي على طريقتي 😋💛 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو مكرونة قلم
- 1/2 كيلو لحم مفروم
- كيلو حليب كامل الدسم
- 1/2 كيلو بصل
- 2 .حبات فلفل اخضر
- ملح وفلفل اسود حسب الرغبة
- ½ ملعقة صغيره كمون
- مكعب مرقه لحم (حسب الرغبة)
- جبنة رومي مبشوره
- 3 كوب دقيق
- 2 فص من الثوم
- 1/2 كوب سمنه
- 5 معالق زيت
- 2 حبات طماطم
- 1 بيضة
طريقة التحضير
- هنسلق المكرونة و نصفيها و نسيبها على جمب
- تعصيج اللحم هنحط البصل والفلفل والثوم في الكبة او نبشرهم و هنجيب طاسه او حله و نحط فيها الزيت وهننزل بألبصل والفلفل والثوم الي فرمناهم على الزيت و ندبلهم و نضيف اللحم ومكعب مرقه اللحم والكمون والملح و الفلفل الاسود و نقلب ونغطيها على نار متوسطة نسبها لحد ما نقطع الطماطم وهضيف الطماطم عليها و نسبها تكمل سواها
- خلطه البشاميل هنحط السمنه تسيح و بعد كدا هنضيف الدقيق و نقلب بمضرب لحد ما الدقيق يبقى ذهبي فاتح وبعد كدا هنضيف الحليب ونقلب لحد القوام الكريمي الناعم كدا
- رص الصينية بقى😍.... هندهن الصينية بمادة دهنيه هنحط نصف كمية المعكرونة وبعد كدا هنحط اللحم و نحط شويه بشاميل وشويه من الجبنة الرومي وبعد كدا هنحط بقيت كمية المعكرونة وبعد كدا نحط البشاميل ونضرب البيضه في طبق ونحطلها فلفل اسود وملح بسيط ونحطها على الوجه وبعد كدا نحط الجبنة الرومي ونحطها في الفرن على الشبكة درجة الحرارة متوسطة لحد ما تستوي
- و تقدم بالهنا والشفا على قلوبكم 😍😋👍❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد