→ كل الوصفات

مكرونة بالبشاميل ولا ألذ للشيف سهر حامد ♥️

#بشاميل

  • 1/2 كيلو مكرونة اقلام
  • 2 كيلو لبن (حليب)
  • 3 معالق ك دقيق
  • 3 معالق ك زيت
  • 2 مكعب جبن كيري
  • جبنة موزاريلا
  • 1/4 كيلو لحم مفروم
  • حبة بصل مفروم
  • حبة طماطم مكعبات
  • 1 ورق لوري
  • فلفل اسود وملح
  1. اول حاجة هنعصج اللحمة نسخن الزيت كويس ونضيف البصل وورقة اللورى ونقلبه تقليبتين لحد مايدبل
  2. نضيف اللحمه تاخد لون وصدمة وبعدين نضيف مكعبات الطماطم والملح والفلفل الاسود ونوطي عليها ونسيبها تستوى
  3. تاني حاجة هنعمل البشاميل وهنسخن ٣ معالق زيت كبار ع الهادي خالص وبعدين نضيف ٣ معلقة دقيق لحد ماياخد لون اصفر فاتح ونضيف اللبن شوية شوية لحد مايربط ونقلب جامد بالمضرب ونضيف ملح خفيف وفلفل اسود ومكعبين الكيري ونسيب البشاميل يستوى
  4. هنسلق المكرونة ونبتدي نرصها ف الصينية راق مكرونة متقلبة ف معلقتين بشاميل وراق لحمة معصجة وراق مكرونة ونضيف كل البشاميل وف الفرن وقبل مانخرجها من الفرن بدقايق نضيف الجبنة الموزاريلا وتحمر وبألف هنا
عجبتك الوصفة؟
شوف كل وصفاتنا في مكان واحد
كل الوصفات →