→ كل الوصفات
طريقة عمل مكرونة بالبشاميل و البطاطس 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 700 جرام معكرونة
- 500 جرام لحم, مفروم
- 500 جرام طماطم, معصورة
- 2 بصلة, متوسطة مبشورة
- معلقة كبيرة سمن
- ملح
- فلفل اسود
- بهارات
- للبشاميل
- 1 كيلو لبن, او اقل
- 3 ملاعق كبيرة دقيق
- 2 ملاعق كبيرة سمن
- ملح
- فلفل
- للبطاطا
- 2 ثمرة بطاطس, مقطعه
- معلقة سمن
- معلقة لبن, للتخفيف
- ملح
- فلفل اسود
طريقة التحضير
- نحمر البصل المبشور بمعلقة كبيرة سمن على النار ونضيف اللحمة ونشوحها شوية,
- بعدين نضيف عصير الطماطم ونسيبها تستوي على النار. ونضيف ملح وفلفل وبهارات وكدة عصجنا اللحمة
- نضيف ملح وفلفل و نطفي النار ونغطيه عشان مايعملش وجه
- هنعمل البشاميل, هنحمر الدقيق في معلقتين كبار سمن على النار. وننزل باللبن كله مرة واحد.ة ونقلب بالمضرب السلك لما ياخذ القوام المطلوب, يبقى زى المهلبية كدة
- الخطوة دي للى مبيحبوش البشاميل وهى اننا بنبدله ببطاطس مهروسة. هنسلق البطاطس ونضيف لها ملح وفلفل اسود ومعلقة سمن ونهرسها. لو لقيناها تقيلة,ممكن تتخفف بمعلقة لبن
- هنسلق المعكرونة عادي جدا في ماء وملح
- هنبطن الصينية بالبشاميل ونوزع نص كمية المعكرونة عليها ونوزع عليها شوية بشاميل
- هننزل اللحم المعصج ونوزعه وننزل بباقي المعكرونة
- هنغطى وجه الصينية بالبشاميل, ماعدا الربع اللي هغطيع بالبطاطس المهروسة
- هيدخل فرن من تحت لمدة 20 دقيقة. وبعدين تحت الشواية لحتى ياخذ اللون
- بالهنا والشفا. لو جربتوها وعجبتكم, ياريت دعوة منكم 😄
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد