→ كل الوصفات
#الشيف_الذهبي
المقادير
- 500 جرام جمبري
- 450 جرام مكرونة بينا او فوتشيني
- 4 فصوص ثوم مقرومين
- كوب كريمة طبخ
- 1/2 كوب من ماء سلق المكرونة
- ¼ كوب جبنة شيدر مبشورة
- معلقتين بقدونس مفروم
- معلقة سمن
- ملح وفلفل اسود
- بهارات وبابريكا
طريقة التحضير
- بغسل الجمبري كويس وانقعه خمس دقايق في ماء وخل ويكون مفتوح من الظهر
- بصفي الجمبري و اغسله تاني بالماء كويس وبعدين اتبله برشة ملح وفلفل اسود وبابريكا
- بسلق المكرونة بالطريقة المعتادة واخلي نص كوب ماء السلق واصفيها
- في نفس الحلة بحط معلقة السمن عليها الثوم المفروم واشوحه تشويحة خفيفة وانزل عليه بالجمبري يتشوح دقيقتين من كل ناحية
- بطلع الجمبري في طبق وبعدين انزل بالكريمة وماء السلق على خليط الثوم واتبل الكريمة برشة فلفل اسود وبابريكا ولو احتاجنا ملح نزود حاجة بسيطة لان ماء السلق بيكون عليه ملح وبعدين اضيف ربع كوب الجبنة ومعلقة من البقدونس
- يغلو غلوة وانزل تاني بالجمبري ياخد غلوة سريعة وبعدين انزل بالمكرونة على الصوص الابيض يغلو دقيقة واطفي واقدمه في طبق التقديم وارش على الوش معلقة البقدونس وبكدة يكون طبقنا جاهز 😍 قدمته مع سمك كنعد مقلي وشوربة جمبري. بالهنا والشفا 🥰🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد