→ كل الوصفات
طريقة عمل مكرونة بالجمبري والوايت صوص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2/1 كيلو مكرونة، اي نوع
- 2/1 جمبري وسط او صغير
- كوبايه لبن
- كوبايه كريمة طهي (كريمة لباني)
- معلقتين سمنه
- معلقتين دقيق
- 3 معالق زيت
- ملح
- فلفل اسود
- كمون
- توم مقطع صغير
- 3 فلفل مقطع ألوان
- ليمونة
- بهارات
- 3 جزر مبشور
طريقة التحضير
- اسلق المكرونه واسيبها على جمب، واتبل الجمبري بعصير ليمونة وفلفل اسود وملح وكمون وتوم مقطع واسيبه في التلاجة
- اجيب طاسة واحط فيها الزيت والفلفل والجزر المبشور واشوحهم وبعدين انزل بالجمبري واخليه لحد ما يتحمر
- في حلة المكرونة احط السمنة والدقيق واقلبهم وبعدين انزل عليهم باللبن واما يبدا يتماسك احط الكريمه واقلبهم وممكن اضيف ملح لو محتاجة
- لو لقيت الخليط تقيل ممكن اضيف ميه، وبعد ما يبقي سمكه مناسب اسيبه يغلي مره وبعدها على طول انزل بالجمبري واقلب وبعده المكرونة واقلبه سوا
- تتغرف بعدها وتتقدم سخنة وممكن تحطوا عليها جبنه على الوش او بقدونس للزينة.. وكلوا بألف هنا وادعولي بالستر والرضا والخير ولكم بالمثل
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد