→ كل الوصفات
بمناسبة حملة جود بالموجود كان عندي متبقي ٢ كوسة صغيرين بالعدد و ١ باذنجان عروس ف قررت استفيد منهم ف وصفة واحده وهتعجبكم جدا بإذن الله ❤️ #اطبخها_لا_ترميها
المقادير
- 400 جرام مكرونة أي نوع تحبيه مسلوقة
- 2 كوسة
- بصلة متوسطه
- حبة فلفل أحمر
- حبة باذنجان عروس أو 1/2 حبة من باذنجان رومي
- 2 م ك زيت زيتون
- رشة ملح
- رشة فلفل اسود
- 2 طماطم مقطعه مكعبات
- م ك نعناع (اختياري للزينة)
طريقة التحضير
- هنقطع الكوسة شرايح دائرية وباذنجان هيتقطع شرايح دائرية بردو ام بصل و فلفل أحمر هيتقطع لاما شرايح طولية او مكعبات وطماطم مكعبات
- ونجيب صينيه كبيرة هنحط فيها جميع الخضروات المقطعة و نحط عليهم زيت الزيتون وملح وفلفل و ندخلها الفرن من ٢٠ : ٢٥ دقيقه تتشوي
- وبعدين هجيب مكرونة مسلوقة واحط عليها الخضروات واقلبهم مع بعض وأقدمها ف طبق تقديم متزينه بالنعناع المجفف وممكن تجيبي مكرونه مسلوقة وتحطي خضار المشوي عليها من فوق او ع جنب مش لازم تخلطيهم مع بعض
- قدمت الوصفة دي مع كفتة فراخ دايت (هرفقلكم الوصفة هنا علشان تدخلوا وتشوفوها هتعجبكم جدا بإذن الله) وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد