→ كل الوصفات

مكرونة بالسجق تحفة و سريعة التحضير

حابة تاكلى حاجه سريعة و لذيذة و مش هتاخد منك مجهود في الطبخ كله في حلة واحدة .. جربي دى ❤️

  • كيس مكرونة للسلق اى نوع تحبيه
  • 1/2 ك سجق او هوت دوج متقطع قطع متوسطة الحجم
  • معلقة صغيرة من (ملح.. فلفل اسود.. بابريكا.. زعتر او كسبرة ناشفة)
  • 2 معلقة كبيرة من الصلصة
  • 2 كوب من عصير الطماطم
  • معلقة كبيرة توم مفروم
  • 2 فلفل بارد متقطعين قطع متوسطة
  • 1/2 قرن فلفل حامى لو حباها سبايسي
  1. في حلة مع شوية مايه هنسلق المكرونة و نقطه زيت لو كانت الحلة بتاعتك بتلزق او لو حلة غير قابلة للصق يبقى من غير زيت و هنسيبها تتسلق نص سلقه لحد ما تبقي طرية شوية معانا
  2. هنجهز السجق هنشوح السجق في طاسة كبيرة على شوية زيت لحد ما ياخد لون بني و ننزل بالتوم و الفلفل و نقلب لحد ما يدبلو شويه بعدها هننزل بمعلقتين الصلصة و عصير الطماطم و التوابل بتاعتنا و نسيبها تاخد غلوة ولو احتاجت مايه لتخفيف القوام ناخد كوبايه من ماء سلق المكرونة و نوطي عليها و نسيبها تتسبك
  3. بعد التسبيك هناخد المكرونة بعد ما اتصفت من ماية السلق على طاسة السجق و نقلبها كويس
  4. نوطي عليها عشر دقايق عشان تمسك في الصلصة و نغطيها لحد ما تشرب من الصلصلة و الف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →