→ كل الوصفات
طريقة عمل مكرونة بالسجق سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس مكرونة قلم
- ½ كيلو سدق
- حبة فلفل أخضر
- حبة فلفل أحمر
- حبة فلفل اصفر
- زيتون
- معلقتين سمنه
- ¼ موتزاريلا مبشورة
- ¼ تركي مبشورة
- معلقتين صلصة
- معلقة صغيرة ملح
- معلقة صغيرة فلفل اسود
- معلقة صغيرة زعتر
- معلقتين زيت
طريقة التحضير
- نقدح معلقة سمنة في حلة ونحط المكرونة نقلبها فيها تقلبتين ونغطي المكرونة بماية ونسيبها لحد ما تستوي
- ندوب الصلصة في نصف كباية ماية ونحط عليها الملح والفلفل والزعتر ونقدح الزيت ونحط الصلصة فيه لحد ما تتسيك ننزل فيها المكرونة ونقلبها فيها وننزلها في الصينية
- نقطع السدق ونحمر في معلقة سمنه ونحطه علي المكرونة
- نقطع الفلفل والزيتون ونحطهم علي المكرونة وعلي الوش نحط الجبنة تركي وفوقيها الموتزاريلا
- ندخلها الفرن لحد الجبنة ما تسيح (انا بسيبها تحمر عشان الولاد بيحبوها محمرة)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد