→ كل الوصفات
طريقة عمل مكرونة بالصلصة البيضاء و كبدة الفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 200 جرام مكرونة
- 1 ملعقة دقيق
- 1 ملعقة زبدة
- 2 ملعقة موتزاريلا
- 1 بيضة
- 1 كوب لبن
- 100 جرام تقريباً كبدة فراخ
- 1 بصلة صغيرة
- 3 فص ثوم
- توابل (ملح، فلفل، كمون، جوزة الطيب)
طريقة التحضير
- نسلق المكرونة و نصفيها و نقسمها على طبقين او ثلاثة
- نقطع البصلة ناعم و نقلبها مع شوية زيت على النار لحد ما تصفر، بعدين نحط الكبدة مقطعة و نقلبها مع البصلة و نزود الثوم المتقطع و الملح و التوابل و نقلبها لحد ما تستوي
- نضرب البيضة مع اللبن و هو بارد و نسيح الزبدة على النار و نحط عليها الدقيق و نقلبها لحد ما يحمر، نزود اللبن المضروب مع البيض و نحط ملح و فلفل و نقلب على نار هادئة لحد ما يبقى قوام متجانس و كثافته معقولة
- ندلق الصلصة او البشاميل على المكرونة و نحط عليها الكبدة و الموتزاريلا و ندخلها الفرن عشر دقايق تحت الشواية
- نعمل جنبها سلطة خضراء و نقدمها اول ما تطلع من الفرن... بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد