→ كل الوصفات
#مكرونة_سريعة #مكرونة_بالصلصة #مكرونة_بدون_سلق #مكرونة_بالمشروم
المقادير
- كيس مكرونة اسباجتي ايطاليانو
- ملح وفلفل
- كمون
- زنجبيل
- زيت دوار شمس كريستال
- 2 م ك بصل مفروم ناعم
- م ص توم مفروم
- 2 م ك صلصة "او كوبين طماطم معصورة"
طريقة التحضير
- نسخن الزيت و نحط عليه البصل و نقلب لحد ما يبدأ يغمق
- فى نفس الوقت هنغلي حوالي لترين مية فى حلة تانية
- لما البصل ياخد لون نضيف التوم
- لما يغمقوا نضيف الصلصة و نحمرها معاهم لحد ما نحس انها اتكتلت شوية زى ما فى الصورة التانية
- نضيف المية المغلية و نظبط الملح و البهارات
- نضيف المكرونة و نخلي المية اعلى منها بحوالي عقلتين صوباع "لو مكرونة زي ريچينا سواها اسرع خلي المية يادوب تغطي المكرونة او اعلى سنة بسيطة"
- بعد ما تغلي غلوة نضيف الكمون "بيدي ريحة احلى من انه يتحط فى البداية" و نغطي و نوطي خالص لمدة ربع ساعة
- بعد ربع ساعة بيكون شكلها كدا 😍
- نطفي النار و نسيبها تتشرب ربع ساعة كمان و هيكون شكلها كدا بعد ما تتشرب
- وقت التقديم نولع عليها تاني و نقلب تقليبة عشان تتشرب باقي الصلصة.. لو مش هنقدمها فورا تتساب عادي تتشرب لحد معاد التقديم. و دي ميزة فى الطريقة دي لانها مش هتتهري مننا زي المسلوقة لما تبرد ونحب نسخنها
- ممكن نضيف مشروم او درة حلوة او اي إضافة بنحبها. انا كان عندي مشروم حطيت عليها بعد ما اتشربت واخدوا مع بعض تقليبة عالنار قبل التقديم 😋 و طلع طعمها تحفة جدددا و تتاكل سخنة مولعة 😋😋
- دعوة حلوة بدءا لو عجبتك الطريقة ❤️❤️❤️❤️❤️❤️❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد