→ كل الوصفات
طريقة عمل مكرونة بالصلصة 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونة, 500 جم, أي نوع
- 4 شرايح صدور الفراخ, بانيه
- 3 فلفل الوان (احمر واخضر و اصفر)
- 8 حبايات طماطم 🍅
- 3 كوب ماء
- كوباية جبنة, أي نوع, مبشورة (جبنة البرجر، رومي، شيدر، موزاريلا) أي حاجة من دول تنفع
- 5 ملعقة كبيرة زيت
- 1 بصلة
- معلقتين لبن او زبادي
- 5 فصوص ثوم
- 3 ملعقة صغيرة ملح
- فلفل
- بابريكا
- قرفة
- كركم
- حبهان (هيل)
- ورق لوري
- بصل, بودر
- ثوم, بودر
طريقة التحضير
- نجيب حلة كبيرة و نحط فيها ماية و ورقتين لوري و ٢ حبهان و نحطها على نار متوسطة لحد ما تغلي
- اول ما تغلي, نضيف عليها معلقتين صغيرين مليانين ملح و ملعقة كبيرة زيت. و بعد كدة نحط المعكرونة نسيبها على النار لمدة ماتقلش عن ١٠ دقليق و ماتزدش عن ٢٥ دقيقة
- بعد كدة, نصفي المعكرونة من الماية
- نقطع البانيه لقطع صغيرة و نتبله بالقرفة و الملح و الفلفل و الثوم البودر و البصل البودر و الكركم و البابريكا و لو حابين معلقتين لبن او زبادي مافيش مشاكل
- نحط قطع البانيه على النار مع ملعقة زيت. و بعدين نضيف بصلة مفرومة و فلفل الوان و ثوم مفروم و نقلبه كويس
- اول ما يبقى لونهم ذهبي, نحط عصير الطماطم و نسيب الصوص دي على نار هادية لمدة ١٥ دقيقة. ممكن نعمله و المعكرونة بتتسلق عشان مناخدش وقت
- اول ما الصوص يغلي, نحط ملعقة ملح صغيرة و نص ملعقة شاي فلفل يعني في حدود ٣ رشات و نكون طحننا حبهان و نحط البذور بتاعته. و نغطي الحلة و نسيبها شوية في حدود ٥ دقايق
- نعمل الطماطم عصير و نجيب حلة نحط فيها ٣ ملاعق زيت و بصل مفروم و نحطها على النار. و بعد ما البصل يدبل, نحط الثوم
- نحط الصوص على المعكرونة و على البانيه. و لو المعكرونة بردت ممكن نسخنهم شوية على النار او نضيف ماية مغلية على المعكرونة قبل مايتحط عليها الصوص
- نحط المعكرونة في طبقين و عليهم البانيه و نحط عليهم الجبنة المبشورة. و لو ماساحتش نحطها تحت شواية الفرن من ٢-٥ دقايق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد