→ كل الوصفات

مكرونة ❤️بالصوص الأحمر ❤️ والجبنة 🧀

15.4.2020

  • كيس مكرونة أقلام
  • ملح - فلفل اسمر - معلقة زيت (للسلق)
  • كوباية صلصة طاطم 🍅
  • (بصلة متشوحة 🧅 في زيت وعليها عصير طماطم 🍅وملح وفلفل وبودرة بصل وبودرة ثوم 🧂 لحد ما تتسبك)
  • 1/2 كوباية كريمة طبخ (بشتريها جاهزة من عند أي سوبر ماركت)
  • ملح - فلفل - كاري - بابريكا (رشة من كل بهار ع حسب الرغبة) 🧂
  • 1/2 كوب جبنة مواتزريلا
  • 1/4 كوب جبنة رومي مبشورة 🧀
  1. هحط حلة فيها مياه ع النار وملح وفلفل اسمر ومعلقة زيت
  2. لما المياه تغلي هضيفلها المكرونة واقلبها
  3. المكرونة تتسلق بنسبة 70% كده مثلاً واطلعها واصفيها واغسلها بمياه فاترة من الحنفية علطول عشان ما تعجنش مني
  4. هجيب طاسة واسخنها 🔥 واضيف صلصة الطماطم 🍅 وكريمة الطبخ والملح والفلفل والكاري 🧂 واقلبهم مع بعض كويس
  5. بعدين هضيف المكرونة للصلصة واقلبهم مع بعض كويس دقيقتين كده
  6. واضيف المواتزريلا والرومي والمبشور واسيب شوية منهم ارشهم ع المكرونة من فوق
  7. اجيب صينية واحط فيها ورق فويل واضيف المكرونة وارش من فوق الجبنة اللي سيبتها فوق 🧀☝🏻 واغطيها كويس بالفويل وادخلها الفرن لمدة 10 دقايق
  8. اطلعها من الفرن هتكون المكرونة كملت سواها والجبن ساحت فيها🤤🤤وبتكون اتماسكت مع بعضها واخدت شكل الصينية بالهنا ♥️♥️
عجبتك الوصفة؟
شوف كل وصفاتنا في مكان واحد
كل الوصفات →