→ كل الوصفات
طعمها خفيف اوي مش دسمة ماشاء الله وحلوة جدا ان شاءالله تعجبكم ♥️ #الثلاثاء #الشيف_الذهبي
المقادير
- 1/2 كيلو الى كيلو الا ربع مكرونه اي نوع تحبيه
- 2 م ك زبدة
- حبة بصلة متوسطة مفرومه
- طماطم مفرومه او مكعبات صغيرة
- 2 فص توم مهروس
- قرنفل (ماتزدش عن 5 حبات)
- م ص كاري
- ن م ص زعتر
- 1/2 م ص روزماري
- 1/2 م ص بابريكا
- 1/2 م ص شطة
- 1/4 م ص كركم
- ملح وفلفل اسود حسب الرغبه
- 1/4 ل (1/2 كوب) كزبرة مفرومة
طريقة التحضير
- نصيحة بس قبل مانبدأ الوصفة: إن زيادة مدة الطهي للمعكرونة مابيخليهاش طرية أكتر لا ده بيزود من انتفاخ المعكرونة وجفافها ويلتصقوا ف بعض اكتر وعلشان نتجنب الموضوع ده اول لما تنضج المكرونه نصفيها من ماء الساخن ونغسلها بالماء البارد لإيقاف الطهي
- نسلق المكرونه ونصفيها بس هنحتفظ بنص كوب من سلق المكرونة
- وفي حلة هندوب زبدة ونحط الزعتر والروزماري و قرنفل والكاري و نقلبهم كويس
- وبعدين نحط التوم واول لما ريحته تفوح نحط البصل ونشوحهم ولما يلين نحط طماطم و لما تطرى
- نحط بابريكا وشطة وكركم ونخلطهم ونحط ماء سلق ونحط ملح وفلفل وكزبرة مفرومه
- هتغلي نحط المكرونه ونخلطهم مع بعض هتتشرب المكرونه ونقفل عليها وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد