→ كل الوصفات
معلش صورة مش واضحه لاني كنت بصورها بموبايل قديم وملحقتش ازين الطبقة انا اسفة #الشيف الذهبي #صدقة_جارية المهم انا جيبالكم طريقة جديدة وحلوة اوي وخفيفه كده للمكرونة بالفراخ
المقادير
- 1/2 ك صدور دجاج مقطع
- بصلة متوسطة مقطع بالطول
- فلفل احمر واصفر واخضر مقطع شرايح بالطول
- ملح وفلفل حسب الرغبه
- 1/2 م ص شطة
- م ص بابريكا
- 1/2 م ص زعتر
- 1/2 م ص روزماري
- 1/2 م ص بهارات متنوعة
- 1/2 ك لكيلو الا ربع مكرونة اقلام غير مسلوقة
- كوب جبنة موتزاريلا
- 5 اكواب حليب
- 1/2 م ص كمون
- 1/2 م ص بودرة ثوم
طريقة التحضير
- نجيب حلة نحط فيها زيت ونشوح الفراخ كويس لحد ماتنضج وتبقي لونها ابيض ونطلع الفراخ تاني ع جنب
- ونحط مكانها الفلفل الالوان والبصل واقلب عليهم كويس لحد مايطروا شوية
- بعدين نحط تاني الفراخ عليهم ونقلبهم كويس ونحط عليهم التوابل اللي فوق ونخلط
- ونحط عليهم الحليب ونقلب وبعدين نحط المكرونة الغير مسلوقه يعني من الكيس ع طول ع حلة ونقلب عليهم كويس ونسيبها ونقلب كل فترة لحد ماتتطرى المكرونة شوية وتشرب الحليب شوية
- ونحط كوب الجبنة وممكن نحط شيدر كمان بتدي طعم ونقلب كويس ونقفل عليها لما تشرب الحليب ونحسها استوت كده وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد