→ كل الوصفات
#الشيف_الذهبي
المقادير
- كيس مكرونة اسباجي
- صدور فراخ بانيه حوالي ثلث كيلو مقطعة مكعبات
- 2 بصلة كبيرة مقطعة مكعبات
- 2 فلفل رومي كبيرة مقطعة مكعبات
- للصوص
- 3 ملعقة كبيرة سمن
- 4 ملعقة كبيرة دقيق
- 3 كوب لبن
- 3 كوب مياه
- 1/2 عبوة صغيرة كريمة طهي
- ملح ، فلفل ، بهارات
طريقة التحضير
- نضع البصل على النار مع ملعقة سمن او زيت ونقلب لما يذبل نضيف الفلفل ونقلب ولما يذبل ننزل بالفراخ ونبهرها بالفلفل والبهارات ونقلب لما لونها يبيض نخفف النار وكل كام دقيقة نقلب ولما تدخل في السوا نضيف الملح
- نحضر الصوص ، نحط السمنة على النار ولما تسخن ننزل بالدقيق لما يتحمر ولونه يكون ذهبي ننزل باللبن ويفضل يكون ساقع علشان الدقيق ميكلكعش ونقلب كويس ولما يتقل ننزل بالمياه بالتدريج لحد ما نوصل لقوام الصوص المطلوب ونضيف كريمة الطهي (خلي بالك اننا لما بنحط المكرونة الصوص بيتقل فيفضل تخليه خفيف شويه) نحط الملح والفلفل ونتقلب ونطفي النار
- نسلق المكرونة الاسباجيتي او اي شكل تحبيه في مياه ومعاها ملعقة ملح
- نضيف الفراخ على الصوص وبعدين ننزل بالمكرونة المتصفية ونقدمها وخلي بالك تخلطي المقادير قبل الاكل على طول علشان الصوص ميتقلش وتضطري تخفيه تاني
- لو فاضل عندك شوية والصوص تقل هتزودي عليهم شوية لبن وعلى نار هادية وقلبي بالراحة لحد ما يفك. بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد