→ كل الوصفات
طريقة عمل مكرونة بالفراخ و الوايت صوص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 صدور فراخ متقطعين مكعبات
- 1 بصلة كبيرة متقطعة مكعبات
- 3 فصوص ثوم مفروم خشن
- قليل زيت
- حبة فلفل رومى متقطعة مكعبات
- ملعقة كبيرة صلصة
- فلفل
- ملح
- توابل فراخ او ماجي
- ٤٠٠ جرام مكرونة اي نوع اللي تحبيه
- 2 ملعقة زبدة
- للكريمة
- كيلو لبن
- كوب جبنة موزاريلا
- 0.75 كوب جبنة رومي
- 2 معلقة كبيرة لبن بودرة
- لتزيين الوش
- 3 معلقة كبيرة دقيق
طريقة التحضير
- هنشوح البصل و الثوم في الزيت لحد ما يدبل و بعدين نضيف الفراخ و نقلب
- نهدى النار عليها و نسبها عشر دقايق و بعدين نضيف الفلفل الرومي و الطماطم و الصلصة و الملح و الفلفل و التوابل و نقلب كويس و نطفى النار و نسيبها على جنب
- المكرونة نسلقها نصف سلقه و نخليها على جمب
- اخر حاجة الكريمة هنخلط اللبن و يكون بارد مش سخن مع اللبن البودرة و الدقيق
- نضربهم في الخلاط لحد ما تعمل رغوة على الوش و بتقل و أضافة اللبن البودرة خلت الطعم كريمي كإني ضايفة على اللبن كريمة
- هنقلب بأستمرار مش هنوقف خالص عشان لو وقفنا هيتكتل و نفضل نقلب لحد ما الخليط يتقل و يبدأ يعمل فقايقع
- هناخد اللبن اللي ضربناه في الخلاط هوا و لبن البودرة و الدقيق و نحطه على النار و نحط معلقتين زبدة و ملح و فلفل و ماجي او اي توابل فراخ
- يبقى كدا تمام و نطفى النار عليه و لوحسيتى انو تقيل اوى ممكن تضيفى نصف كوب لبن سخن بالتدريج و تقلبى لحد ما يختلط كويس
- نجيب الصينية و نحط فيها شوية كريمة من تحت تغطيها و نكون خلطنا المكرونة كلها بشوية كريمة و نعمل حساب ان في كمية هتتحط على الوش و تكون كمية كويسة فنحط نصف كمية المكرونة و بعدين الفراخ و بعدين المكرونة
- بعد كدة نحط جبنة موزاريلا و جبنة رومي مفروم وبعدها نحط الكريمة الباقية كلها و نحط على الوش موزاريلا و جبنة رومي مفروم
- يدخل الفرن لمدة نصف ساعة من غير شواية الوش هيتحمر لوحده
- وبالهنا و الشفا 🍲😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد