→ كل الوصفات

مكرونة بالفرن بالصلصة الحارة

ناس كتير بتخلي يوم او يومين في الأسبوع المكرونة طبق رئيسي في سفرة الغدا انهارده هقولكم ع طريقة مكرونة سهلة ومش بتاخد وقت و مختلفه علشان تنوعي في طرق المكرونة و ده هدفنا في تحدي: محضرين أكل إيه النهاردة ؟ علشان نسهل وخصوصاً للأمهات اللي بتشتغل افكار كتير للغدا بمكونات موجودة في أي بيت انهم يطبخوها وماتخدش منهم وقت كتير الوصفة دي هتعجبكم جدا بإذن الله ❤️

  • كيس مكرونة اقلام
  • بصلة متوسطه الحجم مفرومة
  • كوب صلصة (سواء جاهزة او معمولة ف بيت وطريقه ف الوصفات عندي)
  • 2 م ك هريسة (سواء جاهزة او معمولة ف بيت وطريقة في الوصفات عندي)
  • 1/2 كوب كريمة اللباني(هتلاقوا طريقتها عندي ف الوصفات او جاهزة)
  • ملح حسب الرغبه
  • 1/4 م ص فلفل اسود
  • كوب جبنة موزاريلا مبشورة
  • حبة فلفل حار مقطع دوائر
  • 1/4 كوب جبنة بارميزان (اختياري)
  1. هنسلق المكرونة ونغسلها ونصفيها ونتركها ع جنب
  2. نسخن طاسه واسعة ع نار متوسطة و ننزل بالبصل والملح والفلفل وفلفل الاخضر الحار وصلصة والكريمة والهريسة ونخلطهم ونسيبها ع نار لمدة ٣ دقايق لحد ما يبدأ ف الغليان ونخفف ع النار ونسيبها ع نار لمدة ٥ دقايق
  3. بعدين ننقلها في طاجن ونحط المكرونة المسلوقة عليها ونخلطهم مع بعض كويس اوي ونرش الجبن من فوق ع الوش وندخلها الفرن لمدة ٣٠ دقيقة أو لحد ما الجبنة تسيح وتاخد لون ونقدمها سخنه مزينة بالبقدونس وبألف هنا ♥️
  4. ملحوظة تقدري تضيفي ٢٥٠ جرام لحمة مفرومة
عجبتك الوصفة؟
شوف كل وصفاتنا في مكان واحد
كل الوصفات →