→ كل الوصفات
مكرونة باللبن محمرة بالفرن تحفة
المقادير
- كيس مكرونة, وزن 400 جرام, مكرونة قلم او شريط او اسباجيتي, عن نفسي بعمل خليط قلم حوالي 200 جرام نص الكيس و200 جرام شريط
- كيلو ونص لبن, يفضل جاموسي بيكون الذ في الطعم
- كوب او كوب ونص سكر, حسب المذاق
- 0.5 كوب ماء, للنشا
- خمس معالق كبيرة نشا
- معلقة كبيرة جوزهند, ناعم او عريض
- معلقة كبيرة زبيب
- معلقة صغيرة فانيليا
طريقة التحضير
- نغلي المكرونة في الماء نص ساعة حتى تمام النضج وبعدين نصفي المياه
- يكون اللبن مغلي وجاهز, في نفس التوقيت. واذا مغلي مسبقا مفيش مشكلة
- بعد تصفيه مياه غلي المكرونة, نضيف اللبن ونتركها عشر دقايق تغلي مع اللبن
- نبدا نضيف السكر ونقلبها حتى ذوبان السكر. ونزود السكر حسب الرغبة
- بعدين نضيف الزبيب وجوز الهند والفانيليا ونقلبها
- نتركها حوالي 3 دقايق تغلي وتقلب. ونجهز نص كوب الماء مع خمس معالق كبيرة نشا ونقلبها كويس
- نبدا نفرغ النشا مع التقليب على نار هادية شوية شوية حتى التجانس وتتماسك المكرونة مع النشا باللبن
- نتركها دقايق على نار هادية ونجهز الصينية اللي هتدخل الفرن وندهنها زيت او سمنة بسيطة
- نفرغ او نضع المكرونة في الصينية بشكل متساوي, بحيث يكون المكورنة مع اللبن بتاعها بشكل متغطي, عن طريق هز الصينية يمين شمال وهي ثابتة بحيث تكون متساوية القوام
- ندخلها الفرن بعد ذلك. ويكون الفرن طبعا شغال مع بداية التجهيز علشان يكون ساخن, من 30 دقيقة الى 45 على درجة 250 درجة, فوق وتحت
- وبعدين نضع الصينية نخليه 200 تحت بس, لمدة 30 دقيقة
- وبعدين نفصل تحت ويفضل 200 فوق لمدة 15 دقيقة
- وبعدين نطفىء الفرن وتترك الصينية بداخله 15 دقيقة, لا يفتح قبل ذلك
- اي استفسار تشرفوني, وبالهنا والعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد