→ كل الوصفات
الوصفة دي كانت طاجن جمبري بالكريمة بس ممكن تلعب بيها ويتغير فيها حاجات كتير يعني مثلا بدل ما تبقى تقيلة ماحطش دقيق يبقى وايت صوص ينفع معاها ماشروم عادي انا هكتب مكونات تكفي 4 أفراد مرتاح
المقادير
- كيس مكرونة 500 جم
- 1 كجم جمبري اي حجم
- حبة بصلة كبيرة متقطعة صغير خالص
- 6 فصوص ثوم
- معلقتين بقدونس على كزبرة ممكن واحد من الاتنين عادي متخرطين كويس
- اشروم اختياري
- علبة كريمة طبخ
- ملح
- فلفل
- كاري
- كمون
طريقة التحضير
- يتم سلق المكرونة وتوضع على جنب
- في طاسة عميقة نحط معلقتين زيت وأول لما يسخن انزل بالبصل والثوم واقلب واخد بالي ميتحرقوش
- اول لما يذبلو انزل بالمشروم واقلب أو لو مفيش ماشروم انزل بالجمبري لحد ميتغير لونه ويفتح كدة ويبقى فاضل تكة ويستوي
- انزل بالخضرة واقلب وبعد كدة انزل بالتوابل ملح وفلفل وكاري وكمون وانا بقلب
- بعد كدة انزل بالكريمة واسيبها حوالي 3 دقايق وانزل بعد كدة بالمكرونة وبالهنا والشفاء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد